هنا

[أنثى حائرة]

صباح الخير
انا متزوجه من ١٠ اشهر
زوجي منفصل عده ولد بالخامس اعدادي وهذه سنه ثانيه له بالصف هوه ساكن عد امه
امه موظفه وعده كزومتك وخياطه بالاضافه للوظيفه
زوجي موظف راتبه ميجاوز ل٦٠٠ ومأ
جر محل مالته ب١٥٠
وعليه اقساط سلفه وعليه دين ٣٥ مليون واقساط اغراض منزل على ١٠٠ كل شهل
يطي لزوجته لمنفصل ٥٠الف مال مؤخرها و٧٥ الف نفقه ابنه ويطي ٥٠ الف من غير النفقه
.....
يطني ٥٠ الف اليه [اشتري بيه كل احتياجتي من ملابس مكياج احتياجات شخصيه الصالون ]
يبقبه تقريبا ٢٠٠ احتياجات البيت مولد مسواك وكذا

ابنه كل كم يوم يجي ياخذ ٥ لو ١٠ مببقه عدنا ولا فلس وهاي دنيا حمد الله من الله ساترنا وما متمرضين

اخر مره اجه كتله كله اني ماعدي خلي رتب وضع على الي تطي كال لازم اطي بعدين يكولون اني ماطي
كتله ميصير اسئله وين يودي فلوسه بعده بالخامس وفوك ٢٠٠ الف يصرف وامه اكيد هم تطي
سأله كله اشتري اكل بيهن اهل بيت جدي ميعجبني
كتله خلي يجي يخابر سولي اكل اني اطبخ وطبخي طيب ليش من بره
بعدين كام يكله اريد اشتري بيهن ملازم
وهوه طلع شهرين مامتحن ولا يداوم وكاتب تعهد ويقشمر امه رايح لدوام ويروح يم صديقه
....
اني حيل ضجت وكتله اذا انت تطي بعد فوك نفقه ول٥٠ اني بعد مالي دخل بكلشي لا اقتصد ولا ادبر وحتى ل٥٠ الي تطينياها ماريده وشحتاج انت جيبلي وكله ماركه نطلع مطاعم وسفرات وماكلك شناقص البيت شنو اكو اطبخه
اني جاي ابني وما ابذر واكول حرام اشتري شي جديد او بنفسي شي اكول خلي سدد دين اوله
بعد مالي دخل بشي

هذا تصرفي صح لو غلط

واني نفسي متطيني اسوي هيج لان كلش اني مدبره وما ابذر
شنو التصرف الصح

[علي الامير]

بالنسبة الج تصرفج عباره عن رد فعل نتيجة قلة الدخل المادي وكونج مدبرة المنزل
بالتأكيد احساسج بطريقة الخداع الي يمارسها ابن زوجك والي تأثر على ميزانية
البيت وتلبية احتياجاته . وشعورج بالاحباط كونج عروس وعندج احلام ما وجديتها
على ارض الواقع . لكن المشكله الحقيقية بزوجج بالدرجه الاولى وزوجته السابقة
وطريقة تربيتهم لابنهم . الافضل ان تتعاملي وي الموضوع بهدوء لانهم اكيد راح يتهموج
انتي تحاولي تدمري علاقتهم ابعض وعندما يخلص المصروف مال البيت
ويشعر زوجك بالنقص باحتياجاته اكيد يراجع نفسه .

[أبو ملاك]

طبعًا أغلب مشاكل الزواج مادية..
شوفي عيوني أنتِ قبل ما تتزوجين أكيد كنتِ تعرفين هو متزوج ومنفصل وأكيد كنتِ تعرفين هو عنده طفل ويدفع نفقة وأكيد هم تعرفين هو راتبه قليل يعني مو عطال بطال..
فأنتِ قابلة بكل هاي الأمور وقبلتي تتزوجين زوجج على وضعه يعني ما مجبورة..
فلذلك أبقي حريصة على بيتج وزوجج وأتركي سوالف الطلعات والطبات والصالونات أو قننيها وقلليها مادام زوجج وضعه المادي محدود..
وحاولي تشجعيه يشتغل شغلة ثانية بعد الدوام.. او أنتِ أشتغلي ما بيها شي..
والحياة الزوجية مشاركة على الحلوة والمُرّة..

[لاڤندر]

طبعًا أغلب مشاكل الزواج مادية..
شوفي عيوني أنتِ قبل ما تتزوجين أكيد كنتِ تعرفين هو متزوج ومنفصل وأكيد كنتِ تعرفين هو عنده طفل ويدفع نفقة وأكيد هم تعرفين هو راتبه قليل يعني مو عطال بطال..
فأنتِ قابلة بكل هاي الأمور وقبلتي تتزوجين زوجج على وضعه يعني ما مجبورة..
فلذلك أبقي حريصة على بيتج وزوجج وأتركي سوالف الطلعات والطبات والصالونات أو قننيها وقلليها مادام زوجج وضعه المادي محدود..
وحاولي تشجعيه يشتغل شغلة ثانية بعد الدوام.. او أنتِ أشتغلي ما بيها شي..
والحياة الزوجية مشاركة على الحلوة والمُرّة..

هي مامعترضة على النفقة الي مضايقها هو المصرف الي جاي ياخذه ابنه

[لاڤندر]

حبي من اهدأ اجي اكتب هنا لان هسة مااگدر

[ৡ⚘أೂـيـر ألـنـ੭ــل⚘ৡ]

اختنا العزيزة هذا الولد حتما يعاني من اضطراب نفسي بسبب ما حصل بين والديه من انفصال وهذا ما يجعله يشعر بالنقص وعدم الاقتناع بما لديه مما يدفعه الى هكذا تصرّفات فاذا كان يصرف الاموال على امور قانونية و معقولة فهو ليس بذلك الضرر
ولكن خوفك من العكس
وعلى كل حال ينبغي على الاب ان يراقب ابنه و يعامله بلطف حتى لا يشعر الولد بمرارة الواقع ( انفصال والديه)
و اما تصرفك انت من ارشاده الى رقابة ابنه فجيد واما ما تفضلت به من معاقبة زوجك بزيادة المصرف عليك فهذا امر قبيح ولا يستحسن باي حال من الاحوال وقد يعرضك لتلقي المصير الذي لقته التي قبلك
لانه حين تزوجك فهو يريد تعويض ما جرى عليه من امور دفعته للانفصال من الاولى فاذا لم يجد معك الراحة واثقلتي عليه المصرف فتحملي النتيجة
ومن هنا فعليك ان تكوني عونا له وسكنا ومساعدا
ولا تكوني عونا عليه ومصدر آخر للأذى.....

.
نسال الله تعالى ان يفرج هم كل مهموم

[أبو ملاك]

هي مامعترضة على النفقة الي مضايقها هو المصرف الي جاي ياخذه ابنه

تره هو أبنه.. بالله تخيلي نفسج بمكانه..

[تاليا♪]

السلام عليكم
طبعاً عذراً على المداخلة واتمنى كلامي ما يجرح مشاعرج لكن واقع حال شفته لهواي من النساء اللي وافقوا يزوجون شخص منفصل وعنده اطفال !
السؤال اليطرح نفسه انتِ تعرفين بي هو مزوج سابقاً وعنده طفل يعني يدفع نفقة ويدفع مؤخر ليش قبلتي بي؟!!!
والسؤال الثاني تعرفين انه حالته المادية ماتلبي طموحاتج ليش قبلتي بي؟!!!!
والسؤال الثالث تعرفين انه الولد اول وتالي مصيره يم ابوه سواء مصرفه او شؤون حياته او حتى اذا ماارتاح ببيت جده ممكن يجي يسكن وياج ليش قبلتي بي؟!!!!!

ترا هاي خوش مودة مال خلي اوافق المهم ازوج وبعدين عود امنعه من ابنه ومن مصرف ابنه ومن كل شي يربطه بحياته السابقة !
يعني شوية خلوا الله بين عيونكم لانه كل شي تزرعوه تحصدون ثماره بعدين
حطي نفسج بمكان زوجته الاولى وبس انتِ تصرفين عليه وكأنوا بس انتِ خلفتي راح تقبلين ؟! طبعاً لا
بنفس الوقت زوجته الاولى مامجبرة توفر كل احتياجاته بس هي
زين حطي نفسج بمكان زوجج لو جان هذا الولد هو ابنج وكل شهر ياخذ منج مصرف وزوجج يعاقبج راح تكدرين تستمرين بهيج زواج؟!!

كم مرة كلنا لاتاخذون تفاح وتريدون يصير برتقال

[ȺӀì βąҍӀì]

مرحبا عيوني .. ما راح اطول بالكلام
واختصر ردي .. نصيحة مني الك لا تدخلي بين الأب وابنه نهائيا .. واذا المصروف يقل فهاي مسؤولية زوجك مو مسؤوليتك .. بعدين اذا تخافي على ابن زوجك مثل ما تكولين .. فأعتقد تحاولي مع زوجك انو ينتبه لابنه ويراقبه لأن اكو انفلات لابنه والسبب غياب الاب وانشغال الام بشغلها وشلون تزيد الفلوس وتركوا ابنهم عرضه لأصدقاء السوء .. بدون ما تخلي الماديات بالموضوع لأن زوجك راح يعتبرها تدخل بشأن ما يخصك .. وممكن تنفتحلك مشاكل انت بغنى عنها

[آيمـيلُِـي ♪]

داده هن بنات متزوجات من عزابيين وما عدهم مصاريف وجاي يعانن من المصروف

هسه انتِ تردين تصير حياتج نموذجيه !؟

هو هذا الزواج باللذات اذا جانت بيناتكم اتفاقات مسبقه دبري روحج بالخمسين والله كريم معليج بغيرج المهم لتقصرين على نفسج واذا تردين خلي يزيدهن يسويهن ٧٥ وترى هواي عليج باقي الأمور هو يحير بيها
ومن كلامج مبين زوجج حنين ومستحيل يكدر يكسر بأحد الأطراف انتي أكسبي على طريقتج بدون متفرقين بينه وبين عائلته القديمه