توجعني عيني من امس لليوم
بيها عزيز يطيح ويگوم
توجعني عيني من امس لليوم
بيها عزيز يطيح ويگوم
جـيتك بليـلة شِـته
ظلمة ومُطرها رَشگ...
وشبعده صار الدَرب خوف ورعيد وثلج
وچفوف أدية زرگ...
ببابك طحت
ها..
گُمتْ..
ضميت اديّ وردت ع الباب بالروح أدگ....
بس گالوا المن تدگ..!
كلمن مشه لحالته
واحد سكن بالغرب
وواحد سكن بالشرگ...
كاظم إسماعيل الگـاطع
..
اصد لعيونك وتلزمني رجفة خوف
وسبع موتات اموتن شوگ الك وعدل
وتيه بليل شعرك وطرب ابممشاك
ويفضحني الشعر وبطولك اتغزل
شمدرينِي گلبك بَاب گهوه يلفِي ياهو الچَان
حَزن ينطر حزن و ليَل نفَس الليل .
وتلملمَن شو بَس عليه تلملمَن
وهمومِي وين همومِي ما يتوصَفن
وأتلگاك وأفرح بِيك
وأفرَشلك گصايب سَود
وأشبگك شَبكة الچيلات للمِصيود
يجي الليل ويجن
كلهن
خيالك وصورتك وانته
اشيلك من خيالي
او ترد مثل الشيب
كلما تنشلع تكثر
نسولف بيك
لآخر لحظة بالليل
وترد من الصبح
تشغل فكرنه
