العُمر مثل الخرز ، معدود
كاظم إسماعيل الگاطع
العُمر مثل الخرز ، معدود
كاظم إسماعيل الگاطع
يعجبني موت الشمع
يفرش الروحه لحد
ويعجبني موت النده
من ينزل
امن السمه يختار
حضن الورد !
لـ عماد المطاريحي
حبني خاف الدنيه تعتگ وانشمر وي القديم
حبني خل اصرف مواقف وانحسب واحد غشيم
حبني وين الناس تحطي ووين ما واحد لئيم
باچر الدنيه الچبيره تصير حُفره
وباچر العِشره القَديمه تصير عِبره
وباچر الگال بگفاك يصير عَثره
وين تلگه ابن آدم يحبّك صدگ
وين تلگه بهالـ وكت ذرّة عشگ
ليش تگضي سنينك ابره وانته بايامك فتگ
حبني مثل الدرس الأول قوه وإصرار وعَزم
خاف تتعب بالنهايه ومن تصح فرصه انهزم
آنه مخلوق اعله كيفك ليش كلساع انعدم
خليني يمك يا ضوه
ما احب لحظه بدونك
من الدنيه اني شحصلت
امي وجمال عيونك
ويّاچ كلشي حلو
حتى الاشياء
الـ چنت ماحب اسويهه
حبيتچ آني بوكت
فكرة أحبلي شخص ما مقتنع بيهه!
وبس حتى اعجبچ صرت
البس ملابس گمت
انتي الـ تحبيهه ♥️"
آنه اشوفك شَمس كُل غُبشه
وگَمر كُل مَغربيه
ونسمه جايبهه الربيع
ودرُب ماخلّاني اضيع
وبينّه وبينك حنين ومستحى
وبينّه وبينك ورود مفتّحه
أسِد شبّاچ حِسنك لو تعدّيت
واضيّف تراب جدمك وردة للبيت
واسئلك لو طفح حسنك بالعيون
حلو بطبعك يالاغنج لو تحلّيت
والمّك لمّة الخاطر بالعتاب
وانشدك من عطشتك ليش ماجيت؟
ونده روحي النسيم وليك حنّيت
ومثل گَطرة نِده بوردك تبدّيت ♥️
اشتهيت الليله احبّك من جديد
نصير ساگين بجذر
انته يافرحة يتيمه ،
انته طيف معلّگ اعله ذيال غيمه
وآنه هاوي ، وآنه خاوي
وآنه جاهل ضاع عُمره ويه التّتن
بين الگهاوي
بس اجيتك !
واشتهيت الليله اموت بـ باب بيتك ♥️
هاي صار شگد أحبك ؟
ولسّه أحس بـ لَذّة ايام البدايه !
نمت بوداعك نوم محروگ
وچن كل كتر بحشاي مشروگ
بَـس صورتك لگلادتي تلوگ
سَهله الوريد ، الظرف مشگوگ!
