الصور وياك تحجي وتسكت اشعاري
انتَ أول بشر يقرالي بأ فكاري!
.
الأحجيه (بالكلب) انته التسمعه ابساع
معناها انته قبلي تعرف اخباري!
.
شاعر بالعشك وأدري العشك أنواع
بس عشكك عشك فاضحني بأسراري!
.
جان الحُب صعب كلمن يحبك ضاع
وأمن صدام جان امراقب الداري!
.
يل حُبك قدر ميرجعه كل فزاع
وانه مو نبي وحتى ادفع أقداري!
.
يعني اعدامي اعرفه واعرف الاوضاع
ماحاجه المحامي واحجي بأعذاري!!
.
لو أنعدم بيك وأرجع الهلكاع
هم ارجع ابحبك أكتب اشعاري!
.
عاديت اليضدك يشهد القطاع
انه ابن المدينه الماعفت ثاري!!
.
وميقيمك ثمن حتى ابثمن تنباع!
لو باعله سعر هم أظلم اسعاري!
.
بس عندي عتب!! رايح ابلايا اوداع؟
شو ما ودعتني وتجبر أخطاري!!
.
بقه اخر طلب ! لمساكن الاوجاع
هلبت هالوجع ما يبقه بأكتاري!
.
من الدنيا ما أطالب ولا طماع!
ردت يمك اموت وتنحسب جاري!
بس يمك أموت وتنحسب جاري
حسين االساعدي