جور الليالي
.......................
عجب تسال علي وانته اكرب الناس...؟
لو غيرك اليسأل اعذرنه
شفت لوني تغير وابيض الراس...
.نعم جور الليالي الغيرنه
بس طبع الوفي واليحمل احساس
يذكر صاحبه شما بعد عنه
لون غيبه طويله انكول لاباس
لجن ياصاح امس عنكم رحلنه
ماننساكم احنه الكطع الأنفاس
طبع بلروح ياغاتي المحنه
الصحبه الصدك هم الهه مقياس
شتكول الناس لو عنكم نشدنه
الدهر حطاب اجاني وشايل الفاس
هزر جم غصن عمدا ثبرنه
خاوي اني اصبحت والبيه وهواس
حنظل شري من الدنيه جرعنه
شبه النخل صايربيه دوباس
عله الوجنات نار يصب دمعنه
جزع منه الصبر يوم انمله الكاس
وبعد مانعرف اليوم من امسنه
الصفر ياصاحبي مو مثل الالماس
ومعدنه مثل معدن اهلنه
طبع بينه نظل للخوه نوماس
مهما قسه ويتعثر زمنه
.................................................. ..........................
بقلم الدغاري
رد مع اقتباس
