هنا

[آيمـيلُِـي ♪]

الانتحار مو حل
مجرد هروب ... والى مكان لا عودة منه لتصحيح الخطأ
أنتِ لا اول ولا اخر انسانه تتعرض هالشي.. لكن اكو من يأخذ موقف
فبعد مستحيل احد يكدر يمس شعره دون رضاه.. خليها بالج
الكدامج يستشعر خوفج ولهذا يتحكم بيج.. انتي لا تخافين
وخلي اصبعك بعين اكبر واحد ولا تخافين
يعني انتي تخافين منهم ومتخافين من الموت؟
تدرين شنو يعني الموت!
ترة الحلول كلش هواي ..
اتقربي أكثر للناس الايجابية واتركي الناس السلبية
ديأثرون عليج وطاقتج تعبت بحيث هيج افكار تجي
لتبقين وحدج تفكرين شاركي افكارج ويه ناس ناجحه وحياتهم مستقرة تستفادين منهم .. وركزي على روحج
ترة انتي كلش غالية وعزيزة و ثمينة
لا يمكن أن يأذيج احد وانتي تبقين ساكته ..أخذي موقف .. بكل ادب اي احد يحاول يتحرش كوليله ممنوع وما مقبول هالتصرف وإذا تكرر اتخذ بيك إجراء..احجي وخلي الدنيا تحترك عليهم...يعني ذولة قابل احسن منج يعيشون وانتي تنهارين وتعبين وهم لاعبين لعب ولا حاسين
معادلة ما متوازنه .. حبي ركزي بحياتك وذولة اعتبريهم ذبابات مرت على العسل مو اكثر .. حبي انتي كوني اقرب لرب العالمين وينصرج عليهم وعلى كل الأفكار الي تجيج
وهذي ظاهرة دتصير ويه الكل يعني مو بس انتي ..المريض الي يتحرش
مو انتي حبي.. ولا تنطيهم اكبر من حجمهم ... عامليهم باحتقار ذولة كائنات مقززة والله والله لو يجي بايدي واحد من هالنماذج وربج اخلي عبرة لمن اعتبر و خلي الدنيا تحترك وشنو يحجون عليه خلي يحجون ..ها واخلي رجل على رجل واطلب كوفي ونستله واكل واقهر بيهم واحرك دمهم وامشي واحجي عليهم .. هيج ذولة النماذج مال فضيحه الله افضحهم لا تسكتين ولا تخافين ولا تنتحرين .. اول شي انتقمي واخذي حقج وشوفي شلون حتصير الحياة حلوة بعينك وربي تصيرين مثال يحتذى به وربي يكفيج شره عالناس المريضه والعياذ بالله ..

شگد احب وعيج يا أيليتا. انتِ عظيمه

يارب تستفاد البنيه من نصيحتج

وكل بنيه تفكر هالأفكار وتفكر ان هي ضعيفه مستحيل اكو انسان ضعيف كُلنا قوه وطاقه ايجابيه
برغم الي نسمعه ونمر بي بيومنا لكن نتجاهل البعض حتى نكمل امنياتا ونحقق اهدافنا

يارب تكونين يا صاحبة الموضوع انسانه ناجحه وتوعين وتنقذين كل بنت تتعرض للي تعرضتيله انتِ صوت ولا تكوني صوت خافت كوني صوت حاد كالسيف

[ايليتا]

انطيج أحد تجاربي ... مرة رجعت من دوام ومشي بسبب الخط ما اجه فاضطريت ارجع مشي كلت هي عبرة شارع يا الله سوسو امشي حبيبتي( للعلم اني احب ادلع نفسي واحجي وياها واعلمها لان احرص عليها مثل حرصي على بنتي )ارجع للموضوع ..طلع واحد من رأس الفرع ..الشارع خنسه و الدنيا ظهرية بشهر تموز العالم معطلة وحارة منو يطلع بعد ٢:٣٠الظهر ..فالكائن الغريب العجيب الطويل حسيت بي بدأ يسوي حركات من بعيد .. اني خفت بس ها اجتني فكرة جهنميه شسوي بنص الشارع وهيج وقت نوب لتصير فضيحة ... كبل سويت روحي مخبلة والله ضليت اسوي حركات مال مخابيل بوجهي ... وربج شرد من غير شارع .. هو يخاف من الصوت العالي لينفضح
افضحه واصيح واذا احد يحجي يكول شبيج كولليهم ذبانه طايحه حضها ضوجيتني بس اني اعرف شلون اكتلها وافعصها برجلي ...هيج يحضي صيري .. والله اخلي يصير عبرة وادربي كل يومية وشوفي فيديوات عن قمع هيج ناس و صيري صاحبة رأي وخبرة وبلكي انتي تفيدين غيرج بعدين متدرين شنو الحكمة ... واكبر دليل من خليتي الموضوع الكل ناقشج وطرح حلول ..بس اني متأكدة انتي واعية طالما حجيتي بالسالفه إذن تردين حل وان شاءالله توصلين اله ... عندي ثقة بهالشي