عليج اســــــــــــــلم بعالي الصــــــــــــــوت
كليلي ييمه صـــــــــــــــوتي تســـــمعين؟؟
واذا جوـــــــــــــابج نعم وسمعت الســــلام
رد الســــــــــــــلام واجب شو ماترديــــن؟؟
تدرين الوكت ماعنده غير جـــــــــــــــــــروح
تتركيني بهلوكت ليـــــــــــــش وتروحين؟؟
عيشــــــــــــتيني بدلال وصحتي ع الاحزان
وهسه صضوجني الحزن عليه ماتصيحين؟؟
ومعدل اشــــــــــــــــــتياقي وبافي الذكريات
فوك حد راســـــــــي صعد لو ماتشوفين؟؟
امي يابشــــــــــــــــــــر يختلف عن الناـس
تفرحـــــــين لفرحتي وبالضوجه تبجــــــــين
ماســـــئلوني عن صحتي من رحتي لليوم
جنتي وياي كل لحظه تســــــــــــــــــألين
ياربي امنــــــــــيه وبعد كلشــــــــي مااريد
بيهه يايمــــــــه اريدنج ترجــــــــــــــــــــعي ن
واســـــــــئلج عفتــــــيني وحـــــــدي هنا
تذكريني ييمـــــــه لو ماتذكريـــــــــــــــن؟؟
على كبرج اوكف وابجي ســـــــــــيل دموع
ادري عطشانه لشـــوفتي واريدنج تروين
وكبرج من المســــــه تدرين قصدي بهاي؟؟
امد ايدي للكبــر اريدنج تطلعيـــــــــــــــن
واشـــبكج ييمه وبردانه اكلج حـــــــــــــيل
وتكليلي اي ييمه بحضـــــــــــني تدفيـــن
على راســـــــــي ايدج واســـــــولف وياج
وهموم الدنيا انســــــاهه لمن تمســـحين
بس هذا حــــــلم ومااظنه يعـــــــــــــــــود
وانه احب حلـــــمي البيه تعوديـــــــــــــن
اســـأليني من اذكرج كليلي شيصيــــر؟؟
بس كلمه وحدهه ومنهه تقيســــــــــين
شــــــبر واحد يفرقني عن المــــــــــــوت
اذا عنـــــدي ذكره وياج بيهه تمريـــــــــن
رد مع اقتباس
