الدنيا ما خلصت ولا بد جيه بيك
عازه الك بيه وتجيبك عازتي
طول السانك بعد خلكي طويل
انا اعرفلها من اذب احجاتي
تسولف بضهري وكبل تركض وراي
لا والمصيبه انوب صاير شامتي
ماشي وياك بطمع حاجي عليك
بايكك بلليل ماخذ حاجتي
طايح وما شايلك شمتان بيك
عايفك من زينه صارت حالتي
مسوي زله وياك كاتلك عزيز
انت هم حاجيني شنهو سوايتي
واني بكلهن راضي بس كلي من اموت
شلون الك عين وتشيل اجنازتي
بيك عيب بساع اكلك بيك عيب
ما اجامل اني مثل مرايتي
سمت روحي وما لكيت اليشترون
غالي وهل شحو عليه شرايتي
عمر كامل ما مدنك الراس يوم
ورادو بكل صوره ادنك هامتي
موش بدوي وداعتك بس طبعي هيج
انسه روحي وما نسيت طلابتي
خير صار بجيبي هل ما بيها خير
الجانت اتنام اله حدر عبايتي
رد مع اقتباس
