هنا

[البرنس الباوي]

حلم
البارحة شفت الوطن بالطيف اجاني البارحه ..

... گتله هلا ومية هلا يابو الخيول الجامحه ..

مديت اديه تسالمه شفت القلب قبل الجفوف يصافحه ....

شلونك قلت ياموطني وظنوني ظلت سارحه ..

وانگطع وسطي من الخجل من الخجل وعيوني ظلت شابحه ..

گال اطمأن ياولدي كفتنا هي الراجحه ..

گلته الْيِرد ياموطني لحضنك الدافي تسامحه !! ..

قال اْليِرد وإلْما يِردْ وحتى الْيِفكر بالوطن ذنوبه كلهن طايحه ..

بس الْيِخون اُمّيِتهْ ما يستحق نقرا على روحه الفاتحه ..

گلته يبه ياموطني عندي حجي بغزر الدموع المالحه ..

گال احجي گول شما گلت طبع الوطن مثل الابو واجب عليك تصارحه ..

گتله يبه ياموطني ليش انت من دول الدول صاحت عليك الصايحه ؟؟

وليش انت من دون الدول اطفالك الحلوين بالدم سابحه ؟؟

وليش انت من دون الدول بكل بيت عندك نايحه ؟؟

وليش انت من دون الدول ناسك إتْصبّح نازحه ؟؟

وليش انت من دون الدول جيرانه كلها تواكحه ؟؟

وليش انت من دون الدول يا ثور بالعالم قوي تركض عليه تناطحه ؟؟

متْگلي منهو الْخبلك يا بو العقول الراجحه !! ..

شفته ضحك .. شفته ابتسم لمن حِجى و جاوب اجابه واضحه ..

قال اعتقد يا ولدي .. المشكله مو بالوطن .. المشكله بالحجاج هو الذابحه ..

يبقى الوطن هو الاصل والناس هي الرايحه ..

كفكف دموعك ياولد ادري بغريب الدار شوكه الجارحه ..

وادري بغريب الدار كل ما يِعتلي وكل ما صعد وشْما كسب خسران كل ما رابحه ..حتى الطيور إلها وطن تهاجر لجل لمن يهزها الشوق ترجع طافحه ..

وحتى النخيل إلها وطن ما تنشتل إلا بأرضنا المالحه ..

بس إحنا نبقى لِشْ وكت يا موطني نحلم وطنا نصافحه ؟؟ ..

وخلاف الوطن تبقى البشر مثل البهايم دايحه ..

والبارحه شفت الوطن بالطيف أجاني البارحه

اتمنى ان تنال اعجابكم

[مرتضى الطيب]

جدا جدا جميله عاشت ايدك احمد

[Whispered Rain]

[علي الامير]

شكرا رؤؤؤعه

[علي الناصر]

عاشت ايدك الوردة
احترامي لك