يصرخ الريل
.....................
تنشدني اعل حالي...
الحال ميسور...؟
جا شتريد أكلك عندك الحل...
ادري دكلي اصبر ....الله موجود....
ونعم بالله ...
غير الباري ما أسال..
أنه هموم بيه تهدم الحيل..
شلتهن والمتن..
من عندي ماجل...
النهار بسكم يكظي..وسهر بالليل...
اكل الجفن غمض...
ابد مايقبل...
بعيد أميال واسمع يصرخ الريل...
اكولن حمد مثلي ...
بظيم وتعلعل....
هجي اني عشت كل هاي ال سنين...
أجرن بالجلج والجلج مايسهل.
متحزم كظيت..
اشتاي والصيف...
ريض من أكل لبن امي شو يزعل...
هذا العمر...
يلتنشد عله الحال.
حرام بااخر سنينه البشر ينذل...
وعرف.الناس متغيره...
بهليام...
وكلام الفشله من حلوكهم وشل...
عقل عندي واميز..
حجي الشمات...
وابنادم اعرفه شلون يتبدل...
لذلك مازهفت بيوم ياصاح...
واعاشر كل صديج ..
بجلمته معدل...
وسامحت النجلني هواي مرات....
العمر عده وبعد ماينفع اتمحجل...
عن درب العثر...اني ابعد اهواي..
والدرب العدل من الزغر اندل
............................................
بقلم الدغاري
رد مع اقتباس
