المشاركة الأصلية كتبت بواسطة أبو ملاك
بأي سنة تعينتي؟
أعمل بمدرسة أهلية وليس تعيين حكومي
.
شكد راتبج؟
...
.
مدرستكم بالريف لو بالمدينة؟
بالمدينة
.
مديرتكم حقنة لو حبابة؟
أنسانة مذهلة
.
إذا مشرف تربوي أنتقد طريقة تدريسج
تصححيها لو تضوجين من انتقاده؟
أكيد أصححها هم الأكثر خبرة ومعرفة في هذا المجال
.
مسويه خط لو تروحين تكسيات؟
خط
.
عمرج ٢٧.. شكد أستمرت فترة مراهقتج؟
5 سنوات يمكن يمكن 
.
اذا تعرضتي لتحرش لفظي تغلسين لو تردين؟
أمسحهم مسح بالكاع 
.
منو الشخص اللي تفضفضيله من أهلج؟
الكل
.
من كنتِ صغيرة.. مدللة لو محد بحالج؟
مُدللة دائما الحمدلله
.
علاقتج مع الحُب علاقة تنافر لو تجاذب؟
ولدنا لنعشق 
.
تحسين أكو طالبات يغارن منج؟
ههههههههههههه ما اعرف اذا كانت غيرة لكن اليوم احدى الامهات صارحتني انه بنتها تقول ليش المدرسات يلبسن ويعدلن ونحن لا هههههههههههه
اعتقد لان مراهقات فيحبن هالسوالف ويحبن يقلدن مو مسألة غيرة ^-^
.
شنو أكثر شي سلبي بمدارس البنات؟
التنعوص مالتهن كأنه هن آخر حبة 
.
اذا لا سامح الله شفتي بمدرستج حالة شذوذ
تتعاملين مع الحالة بصرامة لو تبلغين أهلهم
لو شلون تتصرفين؟
هذهِ حالة الطوارئ .. عادة تتم مراقبة البنت بعدها إن ثبت الأمر فمناقشة الطالبة في الأمر ومعرفة المضمر .. ثم حلّ الموضوع مع الأهل بطريقة سرية جداً للحفاظ على سمعة البنت
.
يكولون قبل كنتِ تهتمين بالسياسة.. غيرتي آرائج لو غسلتي إيدج منهم؟
صوت خافت في الضوضاء ليس له تأثير
لذلك أشترينا راحة البال ولتحترق الأرض لن نهتم ههههههههههههه
.
بعض الأحيان أحس ردودج بيها نوع من الصراحة او الحديّة المفرطة .. هذا الشي سببلج مشاكل؟
لا لأن ما أتجاوز على أحد ولست بوقحة ليسبب الأمر لي مشكلة
.
أكثر نومة نمتيها كم ساعة؟
أمس 15 ساعة
.
أكثر أكلة أكلتيها طول حياتج؟
همممممم التمن ؟! كوننا عراقيين خخخخخ
أكثر مبلغ صرفتيه بيوم واحد شكد جان؟
500 
أكثر عدد أسماء طالبات كتبتيها بالسجلات شكد جانت؟
700 طالبة بسجلات الغياب للمدرسة 
وراجعلج..
حاليا متابعة
