اوشل كبرياء
........................
مرن اسنين..
من اعدهن بس هموم....؟
ليش اهم بالجاي منك يازمن...
بوجهي سد الباب...
لو يمك افوت...
يلي نجلاتك علي يتعاكبن..
عودتني اتحمل..
وخلكي طويل...
شوف ايامك عليه اشكد قسن.
لمن تعصرني...
اوشل كبرياء....
ما أطخلك راس وتايس لمن.
رفكتي وي الصبر...
صارت قرار..
والمتون اعل الثجيله تعودن...
تبللت بالظيم....
روح أمطر عذاب.
من عشت ظيم الشته تهون المزن...
غير درب العدل ...
صدك مامشيت...
جدامي لدروب الرده لا مامشن...
وبرهاتي امشي أصبحت..
وبكل شموخ...
وانكل اجدامي وأبد متعثرن....
ما امد ايدي ..
بوكت شحه التصير..
خذت عبره من الصبر. وكت المحن.. .
بحالي ماورجت جار..
ولا شكيت..
عيوني بس لمصاب ابو اليمه بجن...
الدنيه بحسين التميل.
وبي تخون...
شلون اأمنهه لون جنة عدن...
ولذلك ما أعد ايامهه شرادت تصير..
جن غريب ..
ومرتحل عن الوطن..
واني ادري بسفرتي...
ومهما تطول....
تنطوي الايام الراحن واجن....
وارد لتراب ...
الصىرت منه كيان....
والحساب اهناك والباري احن..
الله يعلم بليصير وي العباد...
بغير حمله اهناك ياهو الي امتحن
............................................
م.
رد مع اقتباس
المشاركة الأصلية كتبت بواسطة NAZ
