هنا

[الرميثي]

طبعاً هذا السؤال موجه بالاساس
للكبار والذين عاصروا تلك الفترة

كلنا نتذكر انه قبل عام 2003
اي في فترة الثمانينيات والتسعينيات
ما كان عندنا موبايلات وانما تلفون ارضي

وسؤالي هو
من يتذكر منكم الان رقم تلفون بيته او محله ؟؟
بالنسبة لي انا اتذكر الاثنان
وحتى الباسوورد مال المنتدى هو رقم تلفون محلي

[أبو ملاك]

اي أتذكره ههههه
٥٣٢٨٢٥
رقم تلفون بيتنا الأرضي..

والله أيام..

عاشت إيدك حبيبي..

[آدم..]

مااتذكر رقم التلفون الارضي بس اتذكر اخوي من جان يكلي اوكف بالباب خاف ابوي يجي وهو يخابر بت جيرانا ..

[ملكةه]

اتذكر الموبايل طابوكه

[Suzana]

اتذكره طبعا
واتذكر ايام مايكون التلفون مشترك ونسمع غراميات العالم

[المستشار القانوني]

اوووووو
قلبت علينه المواجع يااستاذ ابو حسن الرميثي... جانت كل حاته تجي يمي اني مسؤول عن الحاسبة الإلكترونية أصدر أوامر نصب ونقل وتنازل عن الهواتف الارضيه
كان يتصل بيه أكبر مسؤولي المحافظة.. من مكتب المحافظ.. وأمين سر الفرع للحزب المقبور.. وأما لنصب هواتف لهم او لاقاربهم أو لصديقاتهم
ثق مره من المرات اجونه أفراد من جهاز الأمن الخاص.. شايلين غدارات ستيل بحزامهَم اول مره اشوف هالنوع.. عبالك مسدس طويل أو رشاشه خفيفه.. ودخلو الدائرة بالليل كنا نداوم بالليل ويحسبونه ساعات إضافية مع مخصصات اطعام. وحوافز وارباح.. المهم رادو نصب خطوط ارضيه لشركة دواجن القادسية التي استولى عليها عدي صدام حسين.. بعد أن كانت تابعة للهيئة العامة لزراعة القادسية /مشاريع الدواجن.. وقد نفذتها مع ثلاثة مجازر وحقول بالديوانية وبغداد وسامراء وكربلاء شركة هولندية رصينه جدا.. وللحديث بقية

[المستشار القانوني]

خط بيتنا كان رقمه مع المفتاح:
22337 ثم توسعت البدالة فزادوه رقم ليصبح:
642337

.

[ȺӀì βąҍӀì]

هو بعد السقوط هم استمر .. ذكرتني من جنت اتصل على صديقتي وأخوي يرفع سماعة التلفون الثاني ويسمع الحجي ..
كلشي قديم حلو والله

[الرميثي]

اي أتذكره ههههه
٥٣٢٨٢٥
رقم تلفون بيتنا الأرضي..

والله أيام..

عاشت إيدك حبيبي..

والله يا ابو ملاك ما ادري ليش دائما نتمنى الماضي يعود
دمت بخير عزيزي

[الرميثي]

مااتذكر رقم التلفون الارضي بس اتذكر اخوي من جان يكلي اوكف بالباب
خاف ابوي يجي وهو يخابر بت جيرانا ..

ههههه يا ما صارت بي غراميات ورومانسيات
شكرا ابو ادم للمرور الجميل