هنا

[ارجع يازمان]

صوتك لا تبيعه الناس دجاله
ترى البايع ضميره الذله تحلاله!!
::
لتخون الامام المهدي ابهل صوت
لأن صوتك بديهم طلقه جتاله!
::
متبري من عدهم حيدر الكرار
واحدهم ابن ملجم ابأفعاله!!
::
المنصب يشترونه خاطر ايسرقون
ومحد مهتم اعله الشعب واحواله!!
::
ماضيهم تعرفه الجانوا ايجدون!
وهسه امن النفط ماخلوا اوشاله!
::
صوتك يا شعب بس يخدم المسوؤل
والمسئول يخدم نفسه واعياله!!
::
لمن تنتخب باجر وراك احساب
حرام اعليك من تنتخب نشاله!!
::

المرضى انته سببهم والقتل والبوك
الينتخب فاسد شارك أعماله!!
::
ترضه ابن الفقير ابعيشته محروم
سلبوا كل حقوقه ودمعه يبراله!!
::
والخريج اذا ما سندته الاحزاب
ايدور الاعانه!! وشغل عماله!!
::

كلمن عنده غيره يرحم المسكين
وانته باانتخابك تعكس الحاله!!
ليش أبأنتخابك تعكس الحاله!!
حسين االساعدي

[GENERAL]

قصيدة حلوه من حيث القافية فقط،سيدنه او شيخنه، بس عندي سؤال، جنابك شنو عالم دين لو مرجع لو تلتقي بالإمام المهدي ع، ليس الكل نشال ولا الكل موخوش اوادم، قصيدتك فيها ابيات تدعو لمقاطعة الانتخابات وهذا لايجوز شيخنه او سيدنه،المقاطعة لاتجدي نفع بالعكس تضر، انتخب الجيد وكثير من الجيدين.تحيات