جنازة صديقي وزفة حبيبتي!!الشاعر حسين الساعدي
إلمن دَمِعتك كوون ولفك يزفووه
وصاحبك نفس اليوم راحو يدفنوه
؟؟؟؟؟؟
حسين الساعدي
تزامن زفة الحبيبه مع تشييع جنازة الصديق
وفي العين دمعة واحده!
من منهم يستحقها؟
بس دمعة البقت وِثنين ماشين
يادمعة التطفيلي جَمرتي!
ياهلناس محتار ابمصابين!!
حبيبي العافني وناكر عشرتي!
شفته امحَمره والكحله بالعين!
ما مجبور يعني إوناسي قصتي!
وبزفته ركص ويه الشياطين
عواذل هلهلوا باكوا فَرحتي!
وبنفس الوقت بجنازه ماشين!
صَديقي المات هسه ويا حسرتي!
حرت مابين زفه إوساعة البين!
حرت وحتارت ابعيني دَمعتي!
خَيرت النَفس بين الأمَريين!!
أشوف اليا أمر تسكب عَبرتي!
صِحت إوقررت مابين الاثنين
واحد يستحقها ابهذا وَكتي!!
يا دمعة وِصيتي لا تطيحين!
أزعل لو على الزفه وكعتي!
عَله الدفنوه أريدنج تِصُبين
وهَم أزعل إذا عالخد وكفتي!
يستاهل الصاحب دمعة العين
لأن للموت ما ناكر! صحبتي!!
الشاعر
حسين الساعدي
رد مع اقتباس
المشاركة الأصلية كتبت بواسطة المهندسة التركمانية
