هنا

[Haidar Iraq]

السلام عليكم ..

______________________

م/ هذا موقعنه العزيز اشما نغيب ..

______________________

هذا موقعنه العزيز اشما نغيب ..
نرجع انسلم عَليه انصافحه ..
بيه سوزان الورد نبع الحنان ..
ام سوالف تَرفه كلش مالحه ..
وبيه ابن واسط عَلي ايشاغب بنات ..
ويمكن ام عباس ابد متسامحه ..
وبيه العراب الذي عاش ابغرام ..
روحه وي معشوقه صارت طافحه ..
وبيه ابن بابل عَلي ابكرسي اعتراف ..
طاح اصبعه امن الكتابه البارحه ..
وسيد الكلمات بيه واسمه السَفير ..
تاخذه ابمشيه وتحصل طايحه ..
وبيه راهب منعقچ كلش حزين ..
ومن زمانه الدمعه صارت سايحه ..
وبيه فقار التزوج من زمان ..
وبالعرس عصفور يمكن ذابحه ..
وبيه رحيل اتسوي الأسحار وتغيب ..
وبالسوالف هاي چانت فالحه ..
والرميثي ايغازل ابسكته وهدوء ..
همسه اجتني من صَديق ايمالحه ..
وبيه حلاوه الصارت اتساعد مُدير ..
اتريد تحظرني واظنن واضحه ..
وآنه اعذروني إذا فَد يوم اغيب ..
فدوه لاتنسون سورة فاتحه ..

عااااااا


18/11/2023

[❥ اوليڤَيــــــا✿┊❥]

ههههههههه. يابه لليوم ماحظرت احد ليش هالنظرة الشريرة عني

عاشت ايدك مبدع بكل معنى الكلمة

[زهرة اللوتــس]

شگد حلوة عاشت ايدك وربي يطول بعمرك وينطيك الصحة والعافية

ويمكن ام عباس ابد متسامحه .

اي والله ابد ماسامحه .. برشلوني مكروه

[Haidar Iraq]

ههههههههه. يابه لليوم ماحظرت احد ليش هالنظرة الشريرة عني

عاشت ايدك مبدع بكل معنى الكلمة

نورتِ ام حمودي ..

[Haidar Iraq]

شگد حلوة عاشت ايدك وربي يطول بعمرك وينطيك الصحة والعافية



اي والله ابد ماسامحه .. برشلوني مكروه

اي ، ابد لاتسامحينه ..

[❥ اوليڤَيــــــا✿┊❥]

نورتِ ام حمودي ..

انت الخير والبركة اخوية ابو كرار

[Haidar Iraq]

انت الخير والبركة اخوية ابو كرار

[المستشار القانوني]

السلام عليكم ..

______________________



___________________
وسيد الكلمات بيه واسمه السَفير ..
تاخذه ابمشيه وتحصل طايحه ..


عااااااا


18/11/2023

وعليكم السلام ورحمة الله وبركاته
صح لسانك أبو كرار الذهب ههههههههههه
لا مانقبل تغيب بعد ابد... ابد... انت ملح المنتدى.. واشعارك تجنن
تحياتي... الك ياغالي

[Haidar Iraq]

وعليكم السلام ورحمة الله وبركاته
صح لسانك أبو كرار الذهب ههههههههههه
لا مانقبل تغيب بعد ابد... ابد... انت ملح المنتدى.. واشعارك تجنن
تحياتي... الك ياغالي

تحياتي لك ..
نورت استاذ عماد ..

[دُرر الطائي]

هههههه عشت كُلش حلو