هنا

[المستشار القانوني]

ويه الذيب شاتك سارحه
:::::::::::::::::::::::::::::::::::::::::::::::::: ::::::::::::::::::::
هاي دنيه وصارت بامر الجليل,,شما تريد اطول حتما رايحـه
خلي دمع الفرح من عينك يسيل,,لصاحب الخوٌه تعنه وسامحه
محله دنيانه لــــــون خل وخليل,,لاتفكـــــــــر للجريب تواكحه
لاتذر ارمـــــــادك بعين اليعيل,,الزعل مثل المرض ونكافحه
الشجره من الهوه ياصاحب تميل,, والغصن يشبك غصن ويصافحه
لاتفكر يوم عــــــن كاعك تشيل,,وما كو احله من اخوك تصابحه
اظل غريب الديره من تشعر ذليل,,والعيون اعليك تصبح شابحه
صور هاي الدنيه ابداً مـــــوقليل,,منهه مو صالح ومنهه الصالحه
وشوف حملك بالضعن خافن يميل,,وخاف تصبح طرشتك مو فالحه
ولاتهد الرسن بمسابك الخيل,,موش كبوه اتصير تصبح واضحه
الدنيه غابه وبيهه اشجار ونخيل,,لكن وبيهه وحوش وجــــارحه
مثل تصبح لون ماتحمي الدخيل,, والمرٌوه البيك تصبح شاحه
الماي نفس اللون ويه الزنجبيل,,بس فرق بين الاثنين الرايحه
دوم معروف الكديش من الاصيل,,بحومة الميدان تصبح واضحه
طبع راعي الغنم يعرف بلتعيل,,وبالحلال ايعرف ياهي الناطحه
لاتخلي الذيب الشاتك كفيـــــل,,شلون ويه الذيب شاتك سارحه
تمــــن البزون شحمه بيا دليل,,اتظل وره البزون روحك طافحه
من نهارك ينكظي ويخلص الليل,,ماتعرف اشوكت تسمع نايحه
ولون همك صار يبنادم ثجيل,,عود روح انته الزمـــانك كابحه
:::::::::::::::::::::::::::::::::::::::::::::::::: :::::::::::::::::::
بقلم الدغاري

[Haidar Iraq]

حلو ..
شُكراً لك ..

[المستشار القانوني]

حلو ..
شُكراً لك ..

الأحلى... مرورك الكريم... ابو كرار الغالي

[GENERAL]

ورد سيد هذا يصيحولة الطور اعتقد اندلسي، مو لو اني غلطان؟ اهل الديوانية حسچه وطيبين وعاصمة العشائر هيج اخوي يقول