طريقة الاجابة بامتحان الفيزياء
الفيزياء طريقتها نفس طريقة الكيمياء تقريبا:
1- من تستلم الاسئلة غطيها بالدفتر وطلع فقط اول فرع وجاوبة مثل مانصحتكم قبل لاتقرى الاسئلة كلها نهائيا.
2- السؤال من تقراه اقرا بتمعن وبتركيز والى حد ماتوصل نهاية السؤال لان هواي طلاب ماتكمل قراءة السؤال وتنسى المطلب الاخير.
3- من تنقل معطيات السؤال والارقام بالدفتر حتى تبلش حل اكتبها ع كيفك ودقق مرتين اول خطوة بعدين ادرج باقي الخطوات.
4- كل فرع تكمل جوابة ارجع راجع السؤال والجواب ع السريع واعبر ع الي بعدة.
5- الفرع اللي توكف بي خلي علامة ع الاسئلة عليه واعبر ع اللي بعدة ،ومن تكمل كل الاسئلة ارجعلة.
6- اذا شفت سؤال بي فكرة لاتخترع ارجوك حاول بي شوفه تابع ليا فصل يا موضوع شنو عندي قوانين بهذا الموضوع اكيد واحد منهم ينطبق عليه ،واذا سؤال ربط موضيعين او فصلين فاكيد راح تحتاج تستخدم قانونين وهكذا يعني حاول بي لاتتوتر.
7- وره ما تكمل حل كل الاسئلة، راجع اجوبتك ضروري ضروري لاتصيرلي هلوعي.
⚜ملاحظات مهمة:
☆|اهم ملاحظة من تكمل الحل لاكبل تريد تطلع من القاعة، اعرف هذا الشي باخر امتحان روحك راح تفرفح بس تريد تكمل وتطلع
رد مع اقتباس
المشاركة الأصلية كتبت بواسطة Aya'
