درر العراق

المستشار القانوني · 13/November/2023

رادوني ابيع
.......................
رادوني ابيع ومابعت....بس الله يدري بحالتي
راضع وفه من الزغر
بلعفه خلصت العمر
ماتصد عيني الجارتي
اتعنه ادور الغانمه
عطشان كاتلني الضمه....وما أشكي يوم بعازتي
ماي الوفه مني يصب
من اطرش الديرة غرب....كل همي اسم اولايتي. .
صافي النوايا وماخنت...
ابيض دليلي بكل وكت ...واضح يصاح بغايتي
بس الله يدري بحالتي..
بلمجلس اندل كعدتي...
واتشايم بكل اخوتي
مايوم أزل بحجايتي...بس الله يدري بغايتي
تحملت من ظيم الزمن..
وأشكد شفت اني المحن.
كلفه اشكثر ماساتي...بس الله يدري بحالتي
طبعي ابد مايوم الح...
صابر اعل الظيم وسمح...للسلم رافع رايتي..
ماصدك اني بكل خبر
ولابعت سري الكل بشر..
الينشدني انكث صايتي...بس الله يدري بحالتي
........................
بقلم الدغاري