یا زلازل هزت اعناد الرجــــــال
او یا سهام الترمی اگلوب ابخطــاء
او یا لیامه النامت ابحضن المریض
الهم درس بعلوم دلالی او سطـاء
***
اخذ نص من الکرم والمحســــــنات
الغیبه دخلت باب ثانی امن العـــتاب
و الفکر مملی ابعسر دگ الثبـــــات
ابارض صبخه نیشنت گلبی ابسـراب
***
اتعاونوا اهل الحسد والمنکرات
فتّح البیبان گلبی او ما یســد
قولوا اعلیه جسد ممتد غریب
ضربوا ابسوط او بتاتا ما یعـد
***
اتعلمت اشرب غضب و انفخ نهیت
یا حسافه الدنیا ما کرمت حلیــم
اتبلغ الراداتهه او تکسب مــــقام
لا تعرف الدارس او اصله حکیم
***
یا غدر ترّس جوانی امن الذنوب
الخیر جادم ذم کلامی من جدید
والمحاسن نامن اببیت الســوال
و التهایم تفتر او ترجع جدیــد
***
یا حسافه اهل الکرم طردت الجود
والعلم ما عنده نخوه او صیت الــه
الدار ظلمه او بابهه امکسر الزجاج
سبب الحق الفرید المشکلــــــه
***
الله یربی الکل بشر دیر المـــــدار
لا تعیب الناس والغیبه حـــــــرام
اشلون عندک بخت واترامی الفقیر
یجی یوم او ترضی گلبه الما ینام
رد مع اقتباس
المشاركة الأصلية كتبت بواسطة ȺӀì βąҍӀì
