اذا دولة الگلب عاصمتة انت تصير
والمهجة بعد منطقتك الخضرة
يعني انت الرئيس وشغلة من تحتاج
الك كل المشاعر والله متحضرة
واذا باليل تطلع خايف ايحسدوك
حِـماية وياك تطلع يمنتي ويسرة
واذا الشدة جمالك فجروا عبوات
اموت اني عليك وعمري ما خسرة
وانزل للشوارع تعرف الاعجاب
اشفاف الشعب بوسات متفجرة
وزور براحتك وتفقد العشاگ
وشوف بحالهم ماصار واليجرة
مساكين وحياتك گالت ام كلثوم
وموفقرة فقط لا افقر الفقرة
واذا تحجي بعد وياهم ايذوبون
نسوان وزلم ماتكتب وتقرة
وعَـلم انت بعد لتفكر بـ اقليم
وتعلن انفصالك ياحـلو خطرة
نحتاجك وطن مو بس رئيس اتكون
لأن حب الوطن من الله عالفطرة
رد مع اقتباس
المشاركة الأصلية كتبت بواسطة محامي الحب
