بعد ان ارتسمت ابتسامه خجوله
على شفاهنا عاودت اكف الحزن لنهش ثياب اجسادنا...
بعد منريد جيته لا يجي العيد
لان مو ثوبنا ثوب التواسيل
نميل من الهوى بس الشرف لا
تميل الدنيا كلهه وهو ميميل
الناس تشيل كذلتهه من العيون
بس احنه جثث للمكبره نشيل
بذيج الناس بس اليكبر يموت
وهم موت الله عدهم مو مجاتيل
يكلب صفحه صفحه اهناك اليموت
بس من يوصلنه يكلب الجيل
يم اركابنه تفتر السيوف
ويطلع ارواحنه وما يطلع الميل
ولد عمنه حيايه بهيئة املوك
دمنه ضيعو بلقال والقيل
تسوه اعروشهم والملك والجاه
دمعة كل شريفه المغرب تسيل
غيرالعنده ثروه كون يرتاح
ابكد النفط بجتنه المواويل
حلم نشتم هوى من دون دخان
منو يريد النفط وبلا مقابيل
ونخليله الفرات ودجله والكاع
بس ناخذ علي ويانه ونشيل
نمشي صالح الله وطن منفوس
اذا محسود حته اعله التماثيل
وفقره شنشتريهن نار الهدوم
رغم قمصانه مخلصات تهزيل
بس سعر الجفن منه يطيحون
لان كل يوم نردسهم معاميل
دقنعني وطن ما يوم ترتاح
وانته محصن بقرأن وانجيل
مو دخان ليل الاثك اسماك
من ثوب السمه شيطيح الليل
اظن شمو بكاعك ريحة حسين
هل خلو بصدرك داست الخيل
رد مع اقتباس
المشاركة الأصلية كتبت بواسطة نوارس الياسري
