تدرون سورة البقره ليش هيچ أسمها؟

تعالوا خلي أشرحلكم القُصه ألي نذكرت بيها
لأن أكو قُصه تخص البقره مذكوره بيها

وهيَ ...

چان أكو رجال لگو مكتول وميت فـ عشيرته دورت على القاتل وما لگته!

نوب واحد ضل يذبها على الثاني أنتَ كتلته يابه وداعتك مو أنا! المهم صارت عركه بيناتهم

گالو خلي نروح لنبينا موسى «عليه السلام» نگله يدعي الله تعالى يُحيي وليدنه ويگللنه منو كتله

وفعلاً راحوله وگلوله يا نبي الله هيچ وهيچ...
گللهم شوفو أذبحوا بقره وجيبوا ذيلها وشمروه على الميت و أن شاء الله يگعد ويگللكم منو الكتله

هذوله ضلوا صافنين شدخل؟ يا موسى أنتَ تضحك علينه؟ شنو السالفه گللهُم النبي موسى «عليه السلام» أعوذ بالله! أنا جاي أگللكم إلي يگوله ربي!

الناس من حست السالفه صدگ گلوله زين يا نبي الله أوصفلنه شكلها؟ گللهُم باعوا البقره لا چبيره ولا صغيره بالعمر يعني متوسطه ولونها أصفر يجذب النضر

فعلاً راحوا الناس ولگو هلبقره بنفس المواصفات وذبحوها بس شنو من وره خشمهم لأن أصلاً ما مصدگين بالسالفه!

وشمرو ذيلها على الميت وچان يگعد من الموت وگللهم أنو أنا غني وعندي ثروه بس ما عندي أولاد فـ الورث راح يكون لأبن عمي فـ أبن عمي الرجال مستعجل وكتلني ... ورجع مات! ...