لَفْظة واحدة دَالَّة على مَعنى وَضعيّ تَتألَّف من صَوت أَو حرف، أَو من مَجْموع أَصوات أو أَحْرف.
وبما ان الكلمة قيمتها بمعناها فهالموضوع يتضمن كل المستويات
لَفْظة واحدة دَالَّة على مَعنى وَضعيّ تَتألَّف من صَوت أَو حرف، أَو من مَجْموع أَصوات أو أَحْرف.
وبما ان الكلمة قيمتها بمعناها فهالموضوع يتضمن كل المستويات
حبيبنا العرابالمشاركة الأصلية كتبت بواسطة العراب '
يسعدني ويشرفني
اكثر قصة حزينة شفتها بالواقع ويا صديق مقرب كلش
2015
وكأي مراهق ببداياته يحاول يتعرف ع بنية ويعيش قصص الحب ، صاحبنا حدد هدفه ع بنية بالاعدادية وعجبته وچانوا يتبادلون النظرات لحدما اجة اليوم الي تشجع ودخل للمكتبة وراها وتبادلوا اطراف الحديث وگدر ياخذ رقمها
بعد شهر شهرين دخلوا بعلاقة رسمياً وچان هو الطرف الأكثر حباً وهياماً وعشقاً
البنية فهمته لما تخلص سادس ضروري يخطبها حتى يثبت حبه
يتبع ...
صاحبنا ما گال باطل وترك دراسته المسائية بالسادس وراح تطوع بالحشد حتى يبلش باجراءات الزواج بعد سنة ونص
وبحكم الحرب بذاك الوكت جان التطوع سهل يسير وفعلاً بلش دوامه
ورغم ضعفه وهو اصغر فرد بعائلته وچان شبه مدلل گدر يقاوم علمودها ويستمر بالدوام ويا ازيز الرصاص واصوات الهاونات والمفخخات
وچان نص راتبه يخصصه لما ينزل الها كهداية ولقاءات قصيرة تنطي دفعة أمل يكمل ويستمر بهالعلاقة
يتبع ..
أستمرت العلاقة ل8 اشهر والبنية كملت سادس بمعدل جيد ودخلت جامعة
وباعتبارها هي حبه الاول فچان غيور بشكل مو طبيعي عليها وميقبل حتى توگف ويا زملائها وحاول يعزلها عن شباب الجامعة
صار خلاف چبير وانقطعت علاقتهم ايام بعدما خيرها بينه وبينهم وللاسف هي اختارتهم!
بعد اسابيع رضخت للأمر الواقع وتصالحوا ورجعت العلاقة طبيعية وهو كمل مجهوده حتى يجمع المبلغ الكافي لزواجه
يتبع ..
بعد ما يقارب الستة اشهر قرر يخطبها رسمياً
وبهيج حالات يكون اكو تعارف بين امه وامها ومن هالسوالف ولحد قبل ايام من قراره يروح يخطبها البنية انسحبت وبلشت تأجل !
صارت مشاكل وخلافات وهنا اتضح اكو طرف ثالث داخل ع الخط
ابن عمة البنية متقدملها جندي برتبة نائب ضابط ويداوم بعيد عن الجبهة
هنا هو قرر يترك كلشي وينعزل
ترك دوامه وقبلها ترك دراسته واني باعتباري صديق الة چنت ملازم الة بمعظم الاوقات حتى يتجاوز محنته
وفعلاً بعد ستة اشهر او سنة گدر تقريباً يتخطى ويتعود ع غيابها
يتبع ..
بعد ما گدر يتخطى هالعلاقة البنية رجعت ، وابن عمتها تاركها بسبب خلافات بين عوائلهم
هنا هو بلش ينتقم بتصرفات چنت ما راضي عليهن كاستغلالها والشماتة بيها بين حين والاخر بصورة غير مباشرة
وبيوم من الايام صدمها بنشر صور خطوبته من بنت گرايبه
خطوبته من هالبنية چانت ردة فعل انتقامية ع حبيبته السابقة ورغم كثرة النصح ان هالطريقة فاشلة وعواقبها وخيمة ما اقتنع وبقى يگول اني هالبنية احبها ورايدها
ورا أشهر تزوج وحبيبته السابقة باقية متأملة ان هالاخبار والصور مجرد چذب وكل هالاحداث ما صايرة
يتبع
البنية الخطبها من عائلة مترفة عايشين بخير ونعيم وهو حاله حال معظم الشباب وضعهم ع گدهم
وعائلتها ناس حديثين ع النعمة من العوائل الي صاروا ورا السقوط ب2003
ابوها وافق مرغم بضغوط من زوجته الي تحترم وتحب صاحبنا بس عمامها عارضوا بالبداية لحدما خلوا شرط يكون الحاضر والغايب 100 مليون
وهو والبنية وامها اتفقوا يكون هالشي بس ع الورق بس حتى يتزوجون
وتزوجوا وياريتهم ما متزوجين
يتبع
صاحبنا اختفى بعد زواجه وچنه نشوفه بالصدفة لان يشتغل اكثر من 12 ساعة حتى يگدر يوفرلها مستوى معيشي نفس العند اهلها او مقارب الة
واستمر ع هالحال سنتين وصارت عنده بنية مثل الملاك
لحدما تعب ومل وبلشت تصير مشاكل
وام زوجته صارت تهاجمه وشلون بنتي هيج تاكل وشلون بنتي مشتغلة خدامه وشلون وشلون ...
واستمرت هالمشاكل فترة لحدما قبل كم شهر صارت مشكلة بين العائلتين ووصلت ان يضربها ويطردها لأهلها
يتبع
وفديوم ابوها خابره وگله بنتك بدون حليب ولا حفاظات
وتسوگلهم وراح لبيت زوجته
وبنص الطريق هجموا عليه 6 اشخاص
ابوها وعمامها وولدهم بتحريض من زوجته وامها وضربوا عليه طلقات واخذوا سيارته وتليفوناته ومستمسكاته وشمروا بالشارع
رد مع اقتباس