درر العراق

Haidar Iraq · 27/October/2023

السلام عليكم ..

____________________

اهواي احداث صارت من چنت غايب ..

سوزان المُديره وسامر النايب ..

الك الله يسامر ليش ماخليت ..
بالحُسبان باچر لو صرت شايب ..

من تكبر بَعد متعوب راح اتصير ..
واتحس الگلب متعلعل وذايب ..
گلي اشلون انته امأمن بسوزان ؟؟؟

والمعروف عَنهه اترَسب الطالب ..

آنه خايف يسامر موقعك ينباگ ..

ومانگدر بَعد نتعارك انطالب ..

عاااا

الكثير من الأخوه الأعضاء ..

لايعرفون ، كيف اصبَحت سوزان المُديره الى المُنتدى ..

دَعونا نَتَحدَث اليوم عن هذا الموضوع ..

الحقيقه والواقع اخواني الأعزاء ..

قامت سوزان بالأتفاق مع السحاره ام عباس ، وقالت لها ، اُريدُ منكِ ( خلطه ) الى شخص اسمهُ سامر ، وذلكَ من اجل الأستيلاء على المنتدى ، وبالفعل قامت السحاره ام عباس بتحضير الخلطه الى سامر ، وبعد ان اكتملت الخلطه ، التي هيّ عباره عن اكراع مال طلي ، وشعر مال خنزير ، وزوج جواريب رجالي ، وجداحه ، وباكيت جگاير هوليود ،

قامت سوزان بإرسال هذه الخلطه الى سامر من خلال الهمسه في الساعه خمسه ، ( هسه يجي واحد ويگول ، الخمسه الصبح لو العصر ؟ ) يا اخي انت شعليك ، تابع الموضوع واسكت ،

نرجع للموضوع ، فعندما قام الأخ سامر بفتح الهمسه ، وصَل الى سوزان اوتوماتيكياً ، الباسوورد الخاص بالمنتدى ، وبهذه الطريقه استولت سوزان على الموقع ، والرجل سامر لايعرف شيئاً عن هذا الموضوع ، ( لأن گلبه ابيض ، ومايعرف هاي السوالف )

علماً بانَ سوزان ، في حُقبه من الزمن ، قالت ( اي اتذكر رحنه لأم عباس وسوينه ربط للأعضاء ، وللأمانه اخذت 750 الف دينار )

اي بمعنى ( الشغله مو جديده على سوزان

) وكما هو مُبين في الصوره ادناه .. ومن هذا المنبر المتواضع ، اود ان اقول كلمه اخيره ، عندما تَبتَل العروق ، يذهب الضمأ ، وعندما يذهب الضمأ ، تبتل العروق ..

عااااا

27/10/2023