الايمان المرصوص
::
تكافل اجتماعي وراقيه الفكره
حتى العنده خير ايساعد الفقره
.
خير الناس كلمن ينفع الهلناس
كالاها الرسول وكلمن ابأجره!
.
وبهذا الخصوص التوصيات اهواي
متواتر خبرها ابمنهج العتره
.
العاجز والمريض وصاحبة ايتام
والماعنده مصدر لازم انعذره!
.
الدنيا امتحان وعبره لاهل الراي
وهنياله الأخذ من الزمن عبره!
.
اليساعد سعيد اكثر امن المحتاج
وعنده احساس روحه ابجنه مبتشره!
.
اشكد ما تنطي تلكه امضاعفات اهناك
اطمئن بالله الكريم الخيرك ايكثره...
.
الدنيا ما تدوم وهالبشر خطار
اليوم الضيف بيها باجر ابقبره!
.
بس الصدقه واعمالك الزينات
هنه اليفيدنك ساعة العسره.
.
الكفن مابي اجيوب اتفكر انته ابهاي
اتصدق قبل لا تنطم ابحفره!
.
ابنعمة ربك اتحدث ابنفع الناس
ولا تترك فقير الحاير ابأمره
لا تترك فقير وحاير بامره
حسين الساعدي