هنا

[ارجع يازمان]

روض غيرتك دنياك مفضوحه
لا تشبع قهر بلجيه والروحه!!
.
ما أريدك تغلس. لكن الديوان
ماتصفن ادلاله ابنظره مشروحه!
.
إجم ديوث ماخذ صيته بالغمان
وتلكه إجم أصيل يربي بجروحه!
.
ماتكدر تغير كفة الميزان
اذا سود النوايا ابكفه مطروحه!
.
امعاكس الروج ايتعب السفان
و يحسبها ربح من يطلع ابروحه!
.
اذا شفت الجبل راسه يطك بركان
كول احجايه غمه المست اسفوحه!!
.
احسلك تضل ابواهس الدفان
احسن ما تعيش ابروح مجروحه!
.
صدك تالي الشهم والنذل بلتربان
لكن تختلف كشختها عاللوحه!!
.
ترى ابنادم كتاب ابكصته العنوان
الحافظ على النكطه الغانمه اتلوحه!
.
أكو احجايات كد مافاهيه يفلان
يحتاجن كفاله ورشة املوحه!
.
ماتقنعني عيد ايهل قبل رمضان
حتى لو تحط اكبالي مرجوحه!
حتى لو تحطلي اكبالي مرجوحه!!
حسين االساعدي

[الرَحال]

الله ع الكلام الحلو والرائع