هنا

[أبو ملاك]

لكل الالوان المُضيئه هُنا ..تَحيه طَيبه .. أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾ ..،لنُخصص هذا الرُكن لما نحبه من ومضه قفشات شعريه .. أي حديث يتعلق بالشعر الشعبي








بأنتظار مشاركاتكم
بعد تجاوز العدد السابق للمشاركات المقرره لهُ . نفتتح الجزء «٨٣» على بركة الله
بـأنتظار كل ماهو جميل منكم ..

[ليليث ']

واضحَك لليَشبهك
وأصفُن شگد بيّ
حتى ألبيّ شَبه مِنك
ولا ينمَل..

[ليليث ']

مرني حنيني بسمارك
النهر يتحنه بشبابه من تمر زفة نوارس

لـ ناصر البدري

[ليليث ']

يا أخر جرح بية
تلملم غصبًا إعلى الروح

عريان السيد خلف

[ليليث ']

خِذني يمَّك
گبُل لا يخلص صبُرنه
ويطفىٰ دَم وجُوهنه وتِطلع صفر

خِذني يمَّك
بعَد ما ضل كُل عِذر لا تِعتذر
خِذني يمَّك
گبُل لا يَم الصُفر ينحَط صُفر


جَبار رشّيد.

[ليليث ']

چنه مرتاحين ماندري الخبز
ياهو اليجيبه وبطرگ لعب
الشوارع لا جگاره ولاسياسه ولا حبيبه

.

[ليليث ']

چانَت صَعبة بَس هَاي النهايَات
جَرحك بيِها كد حُب البدايَات
واكثَر شغله تكسِر گلب الانسَان
مِن يتقَبل بضَحكه الخسَارات

.

[ليليث ']

لَوَن شحت دموع الغيض خل دمع العتب يلتم .

عريان السيد خلف

[ليليث ']

اساسك غشني
ليش من اولك تخدع
يخيط العنكبوت بطلعتك تلمع

سجاد رحيم

[ليليث ']

اعذرني راح انسَحب
ماراح اضَل اكثَر
البينَك وبيني بَعَد
حتّى بمرور الوَقت
ما راح يتطَوّر !