انا احبك حتى لو غيري الخذاك،انت تبقى بداخلي مالك غرض
وكلشي بالدنيا حلو يذكرني بيك
ياخسارة عمري يل مالك عوض
وكت كمت اسمك اسمعه من الغريب
گبل چنت اسمك اسمعه وي النبض
انت خلي ودمعتي ونجمي البعيد،
انتَ يقرونك علي وكت المرض
وانا مابيه نقص والله العضيم
أنه حظ ماعندي بس عايزلي حظ
لبسوا دنياي غيم
وفرو عليه الحزن داير ما داير
كون اشك كلبي واشوفك
جان كلت عفيه عليك شلون صابر
الليَل جَاباني إلك لو أنت جَيت
وفَززتلي سنين چَانت غافية
وَفزعن مفرعَات يدَورن عَليك
بَلا شعور جدَام تركض حَافية
صُورتك لِسه بخِيالي ومِن زُمَان
وچَني مِن هَالسَاع شخصَك شايفة
تزعَل وعَنّي تِصد تنطي كِفاك
ابقى احبَّك مَا اگولن عَايفة
انه مضَيع عُمر بَاگِته مِني سنين ،
ادور جيوبهن بَلكن عَسى الگاه
ينوي عَلى الرحِيل وينطِي مَكفى فرَاگ
وَاخذ كِلشي الاله مِن بالي حَتى انسَاه
بيَا بَخـت الاجيبَه سَاعة يِرد يعود
وترد ايَامي اليَّ وَاگعد اني ويَاه
"جَرح شِلتك بروحِيّ ومَا گِلت مَليت "
أون ويَاك اكاسِر وَنتي بوَنك
مِشتاگ الـ لچمتك حَتى احِسَن بيك
شوگ الفاگدة لملهوف أشبگنگ
غاليّ بگد غلاة الشوگ للوَلهان
اخذ عيونيّ مِنك خلي يشوفَنك
سُوله بوَاهسِي افكر بيَك
يمكِن هَا اجه هَا رَاح ادورنك ،
اتعَنى المَكان الي گِعدته ويَاك مَا الگاك
بَس رايد مِنك اثر بَلكن كِلمة ضَلت
ومَا نِقلهَا الريَح
والگاهَا وتجَاوب بَالنشِد عَنك
اقروها
كبرنا ومن لگينا هدُومنا گصَار
على گد الردن گصِينه ادينا
النّاس بيُوت تبني وعَايشة بخِير
وبنينا آمالنا وطاحت عَلينا
الـخَيبه عند مُظفر النَواب :
بـهاي جازيت انتظاري !
نَامت بحَضني وشگتلي همُومها
وسولفتلِي شلون يخلص يومها
وضحگت كلتلي ربي يدُومها
سكتت وگالتلي سولفلي عليك
شلونه وضعك طيفي هم يتعَنه ليك
ردتت اسولف كالت مبينه الجروَح
وأبد ماصارت تون بيدي وبديك
وكعدتني أمي وطلع هذا طَيف
وما حجيتلها شصفيت بدُونها
ردتت اكلها وداعتج كلش نسيَت
وما احبها يَا خي بـَس .. عيَونهاااا
حَسبالي تحِن تاليتك بسَابع حضن
صوجك يا ملح أحبابي ما يخونون
أنته الي خنت ما غزرت بيهم ..!!
من أحترك جفي وخذتني النار وأفتر بالسمه
دخان رسمّك ، رگضت أبگلبي الشراره
وسابگت جفي ويه ممشة النار
شفت أيدي هتافات ، ومشاعل تمشي بأسمك
ضاعنْ درابين العمرْ ..
مـا نـدري نمشي بـيــا دربْ !!
