مرّني چذبة !
مرّني عيد بلا ظفيرة !
لو حلم مغشوش مرّني
وانتَ تدري
ركضة المحروگ
المحروگ ركضتها السنين
وكل بسامير التوابيت اشتهتني
وهل متت موتت غريب
بلايّه بچيه ، بلايّه أُمي ، بلايّه أنت ،
بلا ونين ..
وهلبعدها عيوني مفتوحة آعله طولك
ردّلي بس سرگيلي عيني،
يَ الحنين المو حنين !
آنه خايف لا يجي باچر ،
واطوف بذكرياتك واغرگ وما الگه چفك
چنت أطول بالموادع ،
بلكي منك تطلع حچاية التردني ؟
ردتك تحسسني اهمك
من اگلك هدني ترفض ما تهدني ..
يا بعد رجفات گلبي
يا بعد رجفات اديه
من اشوفك ..
شگد نصحتك حته لتعاتبني يوم
الطفل عاف النار بس من انچوه
وشكو خط احمر سحگته بمشتهاك
الحديد بدگتك ذاك انلوه
يا حنين شصار
چآ موش آحنه منك وانتَ منه
يا حنين إتلاحك اليخفك بـ صدري
الليله توجعني المَحَنه
ردناكم ومامش فرص
حتى الحلم يمكم خلص
شلت إيدي بس دگ الجرس
آنه ولهفتي نريدكم
بووسنه كلشي لمسته
أطراف أصابع إيدكم
فقير الليل
بس المشكله بناسه
كل اثنين يختلفون
ذبو مشكله براسه
محد شم عطر مني وبقه بريتة؟
محد معتبرني بيوم امنيتة؟
ردت ذيچ اللي تملكني وبعدهي تصيح ياريته
ردت ذيچ ام گلب ينباگ وسجني يحسه حريته!
من اشكي لبشر ما ضايگ الضگته
حچي وعابر حچي يتعّب
اي هوه الطلع من غرفة التعذيب
يداويه السجين الگبله متعذب
سعد شميّل ♥️
