على شنهو أتكبر وأنت كوم تراب
لا معدن ذهب لا معدنك ياقوت
عيش شما عشت ترجع ترد للكاع
ترد الهه ويرد يتمضحك الزاتوت
لا تخزر بعينك من تصد للناس
خلي عيونك يظلن بنات بيوت
البشر بس ينكطع نفسه ويموت بيوم
صار أرخص ثمن من خشبة التابوت
ما يكبر بشر وأيد الله فوك الكون
أخذ عبره شكبر حجمه وخجول الحوت
النمل لو راد يعبر والدرب بيه ماي
الف نمله التضحي تريد اختهه تفوت
خل نصير شمعه بعين كل الناس
خل نزرع ورد .. ريحان .. نزرع توت
خل نصير بسمه بشفة المحروم
أمل للعاش عمره مكدر ومكبوت
خل نصير اي شي يفرح الايتام
مراجيح ودفاتر وأبتسامه وقوت
أمان بعين كل مرعوب
بذراع البنات بتوت
دعوة ياولد بأسم الله محروسين
من شفة ثكالى وهادهن طاغوت
خل نرسم حلم وردي لجميع الناس
خلي الناس تحلم حتى لو بسكوت
بس لتشوف روحك غير هاي الناس
لأن حاول كبل لاتوصلك هاروت
أكو ناس شكثر عدلين شبعوا موت
وأكو ماتوا صدك وأفعالهم متموت
رد مع اقتباس