غزل ما أكتب بعد أكتب رثاء
لأن أنته أبوصفك ايتيه الغزل
واذا ما فاد الرثاء أكتب هجاء
والهجاء أن ما نفع أكتب هزل
انته عباد الصنم لو شاهدوك
اظن جا عبدوك ما عبدوا هبل
وجا هبل من الربوبية استقال
وجا طلع رأسا تقاعد واعتزل
خدك امورد مثل ورد الربيع
ويظل دوم ايفوح عطره وما ذبل
احمر ابلا خجل وبلا مستحاه
اشلون لونه ايصير لو مر الخجل
ايصير عنده الهام كل شاعر بسيط
من يشوفك ينكلب شاعر فحل
يوكف الشارع الك ياخذ سلام
صدفه لو مريت ويصيبه الشلل
وازدحام ايصير ويدوخ المرور
ومن لسانه اتضيع وتيه الجمل
انته شايل خرزه لو عندك حجاب
ساحر الوادم عملت الهم عمل
رد مع اقتباس
المشاركة الأصلية كتبت بواسطة jawad kadem
