المشاركة الأصلية كتبت بواسطة انسان ثاني
مرحبا سوزي ^___^
1 _ وين تصلحين اوراق طلابچ ؟ و هل حالتج النفسية تأثر على تقييم الاجابات ؟ و بصراحة كلش ليش تشدون ويا الطلاب ^___^
بالمدرسة ومرات بالبيت ،لا اكيد ما اتأثر ..لمصلحتهم
2 _ بعتبارج تدرسين مواد السادس علمي ، صدگ الاسئلة خارجية ؟ لو درب وكلاوات من الطلاب ، و شگد تتساهلين بتصليح الوزاري ؟
الاسئلة افكارها منهجية مو خارجية ..الرياضيات مو ماده حفظية فالتغيير ضروري بالارقام
3 _ شكم مرة لگفتي حالة غش بمدرستچ او بالوزاري ، وشنو تسوين من يصادفچ هيچ موقف بكل أمانة ^_* ؟
صفر وبكل امانة..
4 _ اكبر مبلغ جمعتيه من راتبچ ع شنو صرفتيه ؟ الي اعرفه انتِ مو من المهوسين بالذهب فـ ع شنو ؟
هههههههه ملابس.
5 _ ليش ما تصيرين مديرة او معاونة وتخلصين من هوسة التدريس ؟
مدارس البنين مابيها معاونه.
6 _ هم عندج علاقات اجتماعية مع طلابج و اهاليهم لو كل الي بينكم هو المدرسة و بس ؟ حاچيه لطلابچ عن الدرر ؟ و هل اكتشفتي بيوم من الايام اكو احد من الطلاب عضو ويانه
اي عندي طلاب يزوروني وكذلك اهلهم واتواصل ويه طلابي بوسائل التواصل ،،اي اكو احد الطلاب دفعة 2018جان يراسلني ع الماسنجر ودعيته للدرر..يدرس طب وانشغل عن المنتدى.
7 _ هم صادفتچ حالة انه طالب عندچ يزحفلچ خاصةً وانتِ شابة و اكو تقارب عُمري بينكم ^_* ؟ واذا ماصارت افترضي جدلاً انها حتصير شراح يكون موقفچ ^___*
هههههههههه خوش سؤال..اي اكو
بلا ما اجرح مشاعره ابتسم واترك المحادثة.
8 _ بعتبارچ تحبين الاستقلالية ، شنو التغيير الي صار بحياتچ من خلصتي بيتچ وعشتي بي لوحدچ ؟ ، حلوة الحياة اذا نعيشها بطولنا ؟
لا ...الحياة مع العائلة احلى لذلك عايشه وياهم حاليا
9 _ شوكت راح تشترين سيارة جديدة ؟ و شنو نوعيتها ؟
راح واهسي بالسيارة
دا افكر اشتري طياره
10 _ شون جارعة الگعدة من الغبشة ؟ كلما اتخيل نفسي انه عندي دوام الزامي ولازم اگعد من 7 يصيبني رعب هههه
مو اني انام بوكت
واكعد بالاربعه تقريبا .فالموضوع طبيعي عندي .
نجي ع الاسئلة الي تخص المُنتدى
1 _ صدگ الي يغيب كم اسبوع يسوه مدير هنا ؟ شو انتِ غبتيلج اسبوعين ثلاثة اسمچ صار احمر من وحده ^__^
لا مو هيج و ماطلبت الاحمر ولا اكو اتفاق مسبق ..بس سامر شاف انه التغييرات الادارية ضرورية للمنتدى ..
2 _ ليش مو زينة ويايه ؟ مو چنتي ناذرة بيوم الي تصيرين بي لون احمر الا تسويني مُشرف ع قسم المواضيع المكررة و المحذوفة ! ليش غدرتي بيه
ونكرتي الملح و الزاد اهئ اهئ
لا طلبت منك الرقابة مو لكونك صديق وانما لانك خبرة بالمنتديات و اريحي بالتعامل مع الاعضاء وماعندك تشدد وانت رفضت.
3 _ عندي اصدقاء يحبون يصيرون مراقبين ، و يوصوني اتوسطلهم يمچ ، و اني اگلهم لتحاولون اذا مو بكارت ابو 25 مستحيل تشوفون المنصب ، زين الي ماعنده شون ممكن يتدرج بالسلك الوظيفي حسب الضوابط ؟
25مشرف
50رقابة
وتدللون
4 _ سمعنا اشاعات انچ مسويه انقلاب ع ابن عمچ الحاج سامر الله يذكره بالخير و ازحتيه من الادارة و انفردتي بالقرار ، طمنينا عنه وين صفى بي الدهر وليش هيچ وياه مو حرام عليچ هاي عود انتوا اقارب و هيچ سويتي بي و يا الغريب اشوووون.
سامر بخير ..مشغول بحياته ودراسته .
ماكو انقلاب بالموضوع ..هو المدير الفني للموقع .
اتصور بعد هالعمر بالمنتدى مايحتاج ارجعله باي امر او قرار يخص المنتدى الا اذا كان فني طبعا ..وهالشي من سنوات نادرا جدا ما استشيره بموضوع .
5 _ تذكرين قبل كم سنة طشت سالفة مال كم عضو يجون يردون يتداينون فلوس من الاعضاء ، بصراحة شكم واحد اجاج وطلب هل طلب ؟ و ليش ما اتخذتي اجراء حازم وياهم (حتى لهنا وصلت الجدية لخاطر الله)
اهوايه.. الموضوع محرج صراحة..
6 _ ابن الاشتر حبيب گلبي وين نفيتوه ليش هجرتوه تره مشتاقله اني ، هيچ گدرتكم ع المقاومين الاحرار مع الاسف عليكم (ابن الاشتر اذا موجود ادري ما استفاد منك بشيء بس ع اقل اصرف تقييم)
هههههههه ابن الاشتر دوره محدد بالمنتدى لذلك مايكدر يتواجد بغير هالدور ..هو يراقب المواضيع اللي تهمه باستمرار حتى ينزل يرد..جرب تستفزه بموضوع تلگاه اول المعلقين .
7 _ كل الانظمة الشمولية القمعية من يتغير الحاكم يجيب وياه اصلاحات مؤقتة تتجسد بالافراج عن كل المعتقلين في قضايا سياسية سابقاُ و يفتح وياهم صفحة جديدة ، ليش ما سويتي هل خطوة ..
نرحب بالجميع والتسجيل مفتوح دائما
لكن بلا تحديد اسماء،..
8 _ كلنه چنه نعرف انتِ المديرة صار سنين بس ليش قبل كم شهر يلا غيرتي لونچ لـ احمر ؟
مزاجيات
9 _ منو اكثر اداري سابق مفتقدته حالياً ؟
بعض الاداريين اللي استلموا مناصب كانوا متشددين ولا يمتلكون المرونه المطلوبة هالشي كان مزعج صراحة لذلك ماافتقدهم بالعمل الاداري لكن افتقدهم واحن الهم كاصدقاء واخوة 
10 _ عندي تعمير بالبيت و محتاجلي فد عشر ملايين ممكن تداينيني و اوعدج ما ارجعهن ابد ^__^
