هنا

[مصطفى العراب]

السلام عليكم


ممكن اعرف شلون اسوي اعلان للصفحة الخاصة بي على الفيس بوك ؟

وشكرااا

[Samer]

مرحبا

الطريقة الأولى: إعلانات الفيس بوك الممولة و الدفع عن طريقة بطاقة ماستر كارد او فيزا كارد


هذه هي الطريقة الأكثر فعالية، و اللي تحتاج منك أنه عندك بطاقة دفع عبر الانترنت، و طبعا هذا يعني أنه لازم تصرف فلوس،

الخطوات:

1- تروح على مدير الاعلانات
https://www.facebook.com/ads/manage/

2- تضغط على زر (إنشاء إعلان)

3- تختار الصفحة مالتك من القائمة اللي يعرضها إلك


راح تنتقل إلى صفحة تحدد بيها خصائص اعلانك، و ببدايتها راح يشوفك نموذج من الاعلان عن الصفحة، بيها صورتها و عنوان الاعلان و وصف الصفحة

تنزل ، راح تلقى مأشر (الحصول على مزيد من الاعجابات بالصفحة) تخلليها مثل ما هي

تنزل، تكدر هنا تحدد اعلانك، العنوان والوصف والصورة (اذا حبيت تغيرهم) و وين تريد ينتقل المستخدم إذا ضغط على اعلانك

الأحداث المرعية خلليها مأشرة، لأن راح يستخدمها الفيس بوك أيضا للترويج عن صفحتك

هسة وصلنا للـ (جمهور)، منو تريده يشوف اعلانك ؟ أو اعلانك راح يكون ممكن عرضه إلى (من) ؟

العمر ؟ حدد العمر (من إلى)
نوع الجنس ؟

الاهتمامات و النشاطات ؟ إختار اللي يعجبك أو بقيها فارغة علمود يطلع الاعلان لكل الأشخاص

عمليات التواصل، طبعا تختار الاشخاص غير المتصلين بالصفحة

خيارات التواصل المتقدمة، من تفتحها راح تلكي خياراات أخرى ، .. إذا تحب تتركها كما هي

وصلنا آخر شي للحملة الاعلانية و التسعير

تكتب (إسم) للحملة الاعلانية مالتك بالحقل (إسم الحملة الاعلانية الجديدة)

تختار من القائمة المنسدلة (ميزانية الحملة كلها) لأجل ما يخصم من بطاقتك بشكل يومي، و تحدد كم ميزانية الحملة ككل (مثلا 30 دولار)

وقت البداية و النهاية .. خلليها مثلا شهر

وصلنا (آخر شي) لنقطة مهمة، و هي تسعيرة الـ (ضغطة) .. لازم تروح على (التسعير المتقدم)

إختار التحسين لزيادة عدد النقرات، و تختار (تحديد المبلغ الاقصى يدويا للنقرات) علمود تتحكم انته بسعر النقرة

تخلليها مبلغ معين ، مثلا 0.02 (يعني 2 سنت للنقرة)

أقل رقم للنقرة هو (1 سنت)، بس خللي ببالك من تخللي مبلغ قليل، هذا راح يخللي اعلانك قليل الظهور بالفيس بوك، و تبقى فلوسك و اعلانك نايمة على قلبك محد يشوفها، و من تزيد السعر راح يظهر اعلانك هواي (قبل أي اعلان آخر) بس بنفس الوقت راح تخلص فلوسك بسرعة، .. حاول (تراوسها) بين هاي و بين هاي ، .. جرب مثلا (2 سنت) بالبداية، و اذا شفت الاحصائيات مو تمام ، جرب تزيدها، في جميع الاحوال لا تخللي الفيس بوك هو اللي يتحكم باعلى سعر للنقرة

كذلك، أقل رقم ممكن تصرفه خلال اليوم هو (1 دولار) يعني تكدر تخللي ميزانية الحملة مالتك (10 دولار) و تخللي المدة (10 ايام أو أقل فقط)

تضغط بعدها على مراجعة الإعلان ، راح تنتقل إللى صفحة تنطيك ملخص عن إعلانك

تضغط على زر (شراء) يطلعلك نموذج يخلليك تختار طريقة الدفع، تختار (بطاقة إئتمان)

و تملي معلومات بطاقة الائتمان (إسم صاحب البطاقة، الرقم ،تاريخ الصلاحية، رمز الأمنية، العنوان) و تضغط تقديم

رمز القسيمة .. ما عندك، اضغط متابعة

اذا طلب منك تسجيل الدخول، تسجل بكلمة مرورك دخولك بالفيس بوك


هسة .. تدخل معلومات الحساب، و هي معلومات خاصة بالفيس بوك للأغراض المالية.. امليها و اخلص منها و اضغط حفظ التغييرات، و تكون نجحت بعملية إنشاء الاعلان .. تهانينا ، خسرتني 10 دولارات لان سويت اعلان لدرر العراق خخخ



طريقة الحصول على الاعجابات عن طريق موقع ذو شعبية

اذا كنت صاحب موقع، أو كان أحد أصدقائك صاحب موقع، او تريد تدفع فلوس لأحد أصحاب المواقع علمود اعلان خاص بالصفحة مالتك للحصول على (الاعجابات) .. هذه طريقة ممتازة للغاية، تروح لهذه الصفحة:

https://developers.facebook.com/docs.../plugins/like/

و تخللي الرابط مال الصفحة مالتك بحقل الرابط:
و تحدد بقية خواص (زر أعجبني)









هذه تصير بالاتفاق مع صاحب الموقع، و النتيجة أنه نموذج (زر أعجبني) يكون مباشرة داخل الموقع (بالهيدر)، بحيث مجرد ما يضغط على الزر أي مستخدم، راح ينحسب إعجاب بالصفحة مالتك، شوف هذا نموذج للاعلان عن صفحة درر العراق على الفيس بوك بالهيدر

http://www.dorar-aliraq.net/iraqi-stuff/




طرق أخرى مجانية


1- أنه تنشر منشورات اعلانية عن الصفحة مالتك (انضموا الآن) ، و تطلب من معجبين الصفحة انه (يسوولها مشاركة) علمود يشوفوها أصدقائهم
2- مع كل ضغطة (لايك) من معجبين الصفحة على منشوراتك (مهما كانت) راح يبين هذا بالـ homes مال أصدقائهم و ممكن يدخلون للصفحة مالتك و يسوولها إعجاب، هذا يتطلب أنه تكون منشورات الصفحة مالتك حلوة وتستقطب المستخدمين للمشاركة أو الإعجاب
2- أنه تسوي (تبادل إعلاني) مع الصفحات الأخرى، يعني تتفق مع مدير صفحة أخرى، انه يسويلك اعلان على شكل منشور، و و انته بالمقابل تسويله إعلان على شكل منشور كل واحد بصفحته ، بحيث هو يحصل معجبين منك، و انته تحصل معجبين منه
3- أنه تخللي رابط الصفحة مالتك بتوقيعك بأي منتدى ، و تطلب من الأعضاء (إنضموا الآن إلى صفحتي على الفيس بوك) او ( تابعوا منشوراتنا على الفيس بوك في صفحة كذا) بحيث من يضغط على رابط الصفحة و هناك يطلع على الصفحة و ممكن يضغط على زر (اعجبني) بداخل الصفحة


أتصور هذه الطرق الممكنة المتوفرة حاليا ، و إذا احد عنده معلومات أخرى يتفضل بيها نكون إله شاكرين

تحياتي

[فراشًــــة المِحـــبْة]

اي واني همين اريد اسوي اعلان وما اعرف

[Echo]

انه اسجل حضوري لرؤية الجوواب

[Samer]

تم كتابة المعلومات في ردي السابق .. مع التحية

[مصطفى العراب]

مشكور سامر جزيل الشكر

[prïnċë häïdër]

مشكور سامر جزيل الشكر

كل هذا الكلام يمكن ساعه يشرحلك وتكوله مشكور هع
ع الاقل انطي تقييييم ههههههه

[بـاران]

الزوار اللي تجي للموضوع راح ينحسبو لمصطفى

بخت

[مصطفى العراب]

كل هذا الكلام يمكن ساعه يشرحلك وتكوله مشكور هع
ع الاقل انطي تقييييم ههههههه

هههههه لعد شسوي اهلهلة هع هع وكل هذ الشرح وما بي شي يفيدني هع لان الحل الاول :ما عندي بطاقة ائتمان والثاني : اني ما مشترك بس بهذ المنتدى وسامر يريد 1000 دولار بلشهر هع هع هع

[مصطفى العراب]

الزوار اللي تجي للموضوع راح ينحسبو لمصطفى

بخت

شسوووي بيهم هههههه اذا تردين اخذي الموضوع هااع