ما اریدک تمر بالباب جیتک ممتحن بیهه
خلیهه اعلی بالک زین چلمه اولا تبدیه
....
ما عندک رحم و احساس سامحتک گلت لاباس
ابحسراتی او دموع العین النار الیوم اطفّیهه
.....
حطیتک گمر بالعین او سهرت اللیل لعیونک
تعبان او مطر بردان روحک بیش ادفیهه
.....
الفرگه والجرح مفتوگ تحس گلبی ابغدر مفلوگ
مثل طیر او تگر سکران ابدلالک و انت هاویهه
.....
بعد ما بیه اجر حسرات الگلب یشهد لک الصعبات
هم تذّکّر الّی فات اجروحک من یداویهه
.....
احب الغربه للتالی و احب اتبعّد اشوالی
تشد و اتحزّم اکذوبات اعذارک من یبریهه
.....
اریدک سالم او غالی او خلینی ابسگم حالی
فدیتک روحی و امالی تموت او لا تسلّیهه
.....
احبّک بس ردت انساک افلان اسمعنی انا اویاک
عساها ابّخت من دلّاک عیله اشلون اغطّیهه
.....
شبح ما اشوفک امن ابعید تظهر لی ابوکت تهدید
تهز بیدک علی شترید تحب ازعل والاویهه
.....
بس ما بیه اطگ ویاک اخافن انتحر وابلاک
اذا ما افیدک او انساک روحی هم تجازیهه
.....
خسران اصبحت خسران ابوسط گلبی متت بردان
والعشره انتجت طرشان رابطهه او تچویهه
.....
ملیتک بعد ما اعود ارید البس ملابس سود
ودّعت المحب مگرود الدم بیده او یحنیهه
رد مع اقتباس
المشاركة الأصلية كتبت بواسطة مِـيهہرَمــآهہ ♬❥
