الصبر
...............
صبرت اهواي.....
بس الصبر شيفيد....
اذا طكات وكتي مرادف اوياي....
ماعرف الزمن ...
من عندي شيريد....
دولبني وبعد ماعندي كل راي....
حذر منه جنت...
وحسابي لبعيد...
عكس ياحيف صار بصيفي وشتاي..
جلاده الكاع...
اكرب وأنثر اشعير...
وكت الرشن وسفه يكطع الماي.
ومن انظر الكاعي...
بس ال تراب...
والوادم اكبالي تحصد اهواي...
وأنه الصابر جبتهه...
اشهور واسنين...
منين الكي لهمومي اليوم شراي....
سمح عشت العمر....
متحمل الظيم...
ولا مره أنصفت ياصاح دنياي....
مابوحن بسري....
وشايل اهموم...
افرض اشتكي من يسمع انداي...
لذلك ايست...
واتحمل الصار.....
لأن وكتي وزماني صارو اعداي....
جزه ريل العمر...
وشينفع الجاي...
كرب وكت الرحيل اهناك ملفاي...
ماظل امل عندي....
وافرح بيوم...
أنه وعكازتي وللباري شكواي....
.....................................
الدغاري
رد مع اقتباس
المشاركة الأصلية كتبت بواسطة NAZLY
