_


شيشبرك باللبن



اول شي الحشوة ...

بفرم بصلتين حجمهم متوسط وبحطهم عالغاز مع شوية زيت نباتي بس تبلش تذبل بنزل عليهم اللحمة المفرومة بعدين بحط ملح ورشة من الفلفل الاسود والهال المطحون وبودرة بصل وبودرة ثوم ورشة بهارات سبعة أو بهارات مشكلة ورشة كزبرة ناشفة بعدين بخليهم على جنب بس تبرد ...

العجينة حطيت كوب ونص طحين مع رشة ملح ونص كوب ماء دافي تقريبا للعجن بتعجنيها منيح وبتخليها على جنب لترتاح.. بعدين بتفردي العجينة كاملة وبتقطعي منها بقطاعة عجين صغيرة أو حافة كاسة أو فنجان صغير بتاخدي اللي قطعتيه دوائر صغيرة وبحشيها من اللحمة وبسكر اطرافها هيك ل أخلص كل الكمية بعدين بقليهم بزيت نباتي بس لتبلش تاخد لون دهبي وهون كمان برجع الكم في منهم بحطوها بالفرن لتنشف العجينة أو بقلوها بزيت أو بنزلوها متل ما هي باللبن انا عني قليتهم قلي بزيت...

هلا اللبن بالخلاط حطيت (قلن ) لبن المراعي بالخلاط مع معلقة كبيرة نشا وثلاث سنان ثوم وبيضة هلا البيضة انا بحطها مشان ما يفرط اللبن بدكم ما تحطوها برجع الكم وبخلطهم منيح بعدين بحطهم بطنجرة عالنار مع التحريك المستمر لحد ما يغلى اللبن بس يغلى حطيت بكيت ماجي ونزلت حبات الششبرك ورجعت حطيت كمان ثوم مهروس بس بدون قلي حبتين وخليتهم يغلو شوي وطفيت النار وعند التقديم بتحطي رشة نعنع ناشف عالوجه وتقدم مع رز ابيض

وبالعافية