هسة وين تروح لوماكو هوه؟
امنيتي أعرف , لو فرش جنحة الظلام
تسولف المن ,؟ حتى يحجيلك ضوه؟
شلون لو جف الصبح دكَ باب وجهك؟
ياهو غيري اليزرع بروحك خضار؟
وآنة راسملك قصيدة وبيهه عشرة
وأنته ليش استعجلت ترسم قطار؟؟
امنيتي اشوف ويامن تغني اعله جرف الليل وتسولف سهر
امنيتي أشم ريحة أحساسك من يشكَ الغيم زيجة وتنزف الدنيا مطر
لوحدك؟؟ لو تشتكي المن؟ من يفزن ذكرياتك؟
لوحدك؟؟ لو ياهو غيري يشاركك بأغلى امنياتك؟
يللا سلملي اعله وجهك,,
بوسلي تراب التدوسة,,,
ما نسيتك ,, صورتك تحجيلي عنك !!!
الشاعر: زياد البصراوي
رد مع اقتباس
المشاركة الأصلية كتبت بواسطة مرتضى الطيب
