الزوج : جهزيلى البدله لأنى رايح فرح واحد صاحبى
الزوجه : أي بدله فيهم إن شاء الله ؟
الزوجه : قال فرح قال
الزوجه : و ليه صاحبك مش مديك دعوه ٱجى الفرح معاك ؟
الزوجه : فرح صاحبك ولا رايح تقابل واحده ؟
الزوجه : أصلا مين إللى هترضى تبص عليك غير الخايبه إللى زيى ؟
الزوجه : دايما حابسنى فى البيت و مش بتفسح فى أى مكان إلا فيما ندر
الزوجه : ولا تكون فاكر إنك أشتريتنى ؟
الزوجه : ولا بتسهر معايا و دايما تعبان يا على الكمبيوتر يا على التلفون يا قاعد قدام التلفزيون ولا حتى هاين عليك تسهر معايا نتفرج على فيلم
الزوجه : و عامل لتلفونك رقم سرى ليه .. خايف من إيه ولا مخبى إيه ؟
الزوجه : بس فالح تسأل طابخه إيه على الغدا و طابخه إيه على العشا
الزوجه : و بعدين أمتى آخر مره قولتيلى بحبك ؟
الزوجه : أنت بجد مفيش أبدا ريحة الرومانسيه عندك و ظالمنى معاك و عمرك ما عملتلى ولا حاجه نفسى فيها
الزوجه : أنا أصلا كل مشاكلى الصحيه بسببك أنت و عيالك .. ٱخدتنى ورده مفتحه ولا عمرها كانت بتشتكى من حاجه .. شوف حالتى بقت عامله إيه دلوقت .. حسبى الله و نعم الوكيل
الزوجه : عمرى ما خرجت معاك إلا و نكدت عليا فى الخروجه و زهقتنى
الزوجه : دا حتى الشوبينج كل لما تطلع معايا تفضل تزن يلا نروح يلا نروح
الزوجه : أصلا أنا غلطانه إنى بفكر أخرج معاك
الزوجه : خلاص الكلام مالوش فايده
الزوجه : خلينى ساكته أحسن
الزوجه : ليه مش بترد ؟
الزوج : البدله الكحلي
