"الشيطان معاون"طبعا هذا أكو واحد يكرة الشيطان ويحجي علي ويحذر الناس منه
بيوم من الأيام جان نايم يم الحايط وسمع صوت يكله وخر راح يوكع الحايط عليك فـ هذا صدك سمع كلام الصوت وكام وبالفعل ورا شوي طاح الحايط
هذا حب يعرف منو صاحب الصوت الي ساعده ؟
_ الشيطان:آني ساعدتك
_ الرجال:معقول الشيطان ؟شلون تساعدني وانتَ شيطان؟
_الشيطان:منو كلك آني ساعدتك؟
بس لو واكع عليك الحايط وميت راح تعتبر شهيد وآني عندي اساعدك ولاتموت شهيد!!
العبرة من القصة مثلا مرات نشوف واحد مريض نكول خطية هذا ليش هيج الله مسوي بي وكانوا احنا نعرف بحكمة رب العالمين اكثر منه
ويجوز هل مرض هو رحمة اله
ومرات نشوف واحد مثلا عنده فلوس نكول هنياله وماندري يجوز هذا بلاء اله
وحتى معاصينا رغم يجوز نشوف شي حلو لما اسمع اغاني
لما شاب يغازلني
لما اباوع على الرايح والجاي
ولما اسرق فلوس الناس(هل شغل أسهل من التعب)
بس مانعرف الثمن كلش جبير والهن هواية تاثيرات على حياتنا
صدكوني هل سوالف كلها من الشيطان حتى لو تبين الك هي أحلى واسرع وبدون تعب بس الله مايحرم شي اذ مو علمودنا !!..
وبطلوا جملة ليش هيج الله سوا بيه
الله ميحبني
ليش صار هيج !
وكانوا أنتو جاي تعلمون الله شنو يسوي
متخيلين حجم الوقاحة مع الله!!!
اذ صار وياك بلاء اشكر ربك وارجعله واتذكر هل شي لمصلحتك
رد مع اقتباس
المشاركة الأصلية كتبت بواسطة اٰلٰجٰنوٰبٰٰي ٰ
