بعد مانبجي صرنه اكبار ونخاف
الدمع من يمشي يعثر بالتجاعيد
بعنه المانملكه ابسوك الاوهام
الابد مايوم نذكر لزمته الايد
على الواكف ركضنه وماوصلنا
كتلنه ارواحنه وماندي شنريد
ومشينه اعله الجمر حد ماصفه ارماد
وركضنه اعله الحزن ركضة هواديد
ماخف العذاب ويوم عن يوم
جاي انحسه كلما نكبر ايزيد
دورنه اشكثر ملكينه شباج
نكصده من نكفر اذنوبنه انريد
بدل مانسمع الغربان مفروض
نفز الصبح نسمع صوت تغريد
الشاعر ريته اذا تتنفس اهلال
تطلع وي حسرته ابيات عل عيد
اشنكتب عل الفرح هوه احنه شفنا
يل اتريد الصلابه ابنار متبيد
يضل طبع اليتيم اشماتشاقي
ميجيد الظحك وبونته ايجيد
ابحياتك هم شفت رسام فد يوم
رسمله اسلا مابيهن عناكيد
مدري اشننتظر والهسه ماجاي
صار اسنين ماخنه المواعيد
ضحى ابجنحه واحدنه ورضى ابكاع
كله الخاطر اعيون المصاييد
مو دم ! هذا هم . بجسادنه ايدور
لذالك بينه بس العاقل ايشيد
نجييك اعمارنه ونغلط بل احساب
كل ساعه نموت ونرجع انعيد
غلط سوينه هيج وهيج بعديش
خسرنه وراح كلشي الندم شيفيد
رد مع اقتباس
المشاركة الأصلية كتبت بواسطة مسافر الليل
