▪️محاظرة-اليوم
(-كيف نقوي ايماننا-)
هذا الموضوع عميق جدا ويختص بعده مواضيع اني راح اختصر الطريق وانطيكم المهم افضل
• مرات نشوف ناس تصير وياهم مصائب تصير وياهم ابتلاءات يهجرهم معظم الناس يخسرون كلشي ولمن نجي نسئلهم ونشوف وضعهم نشوفهم مامتأثرين بكل الي جاي يصير من حولهم طيب شنو السر شنو اللغز. اني اكلكم شنو السر. السر هو قوة الايمان. ترة لا تنظرون للايمان صلاة وصيام هذا مو ايمان ترة هاي عباده. الايمان شعور واحساس ترة خلوها ببالكم الايمان هو انو مهما تركك الجميع وخسرت الكثير وتكالبت عليك المصائب والهموم والاحزان. تبقه واثق بالله وما تهتم الله وحده يكفيك عن الكل مو مهم اذا تركك صديقك المهم انو الله ما يتركك الايمان بالله هو ثقه واخلاص وحب وتوكل. مو كل الي يصلي ويقرة قران نكول عنه مؤمن. لا هالشي غلط العباده والصلاة وحد والايمان وحد انت من تجي تصلي وتكمل صلاة انت تدري بروحك صليتها بطريقه صحيحه لكن مرات يبقه عندك شكوك. هاي انت هيج لكن الي ايمانه قوي وقلبه مليء بحب الله وثقه بالله مايفكر هيج يكمل صلاته ع اكمل وجه ويشكر الله لانه وفقه لاداء الصلاة وخلص يعني بربكم واحد مثل هذا عنده ثقه بالله واخلاص وحب معقولة الله مايقبل صلاته لو لم يكن في صلاته الا حرف واحد صحيح الله راح يقبلها لانه يؤمن بالله ويحب الله ويثق بالله.
الله مايريدك. تكسر ضهرك وكوة تريد تسوي روحك انسان خير. الله يريد ثقه يريد توكل يريد ايمان خالص هسه تكلولي لهل درجه الايمان مهم. اكلكم اي اكو بيكم رادو شلون يقوون ايمانهم وعبالهم راح انطيهم خطوات. لا الايمان مو شي مبذول اله كون تصفي بالك وتفهم الموضوع بطريقه صحيحه. اني اتخذت هاي الطريقه افضل لان عندي اسلوبي الخاص الي يخليني اعرف شنو اسرع طريق للحل واكيد الكل فهم كلامي
رد مع اقتباس
