- شبيك = ما اعرف
- اكثر كلمة تكولها لما تكون ضايج، دائما ما تعرف
= ههههه لا صدك ما اعرف
- احجي، احجي ولو مرة وحده وكول شبيك
= احس بانفصام الشعور.. يعني مابيه شي وكلشي بيه! اريد اعوف كلشي وارتاح من كلشي وبنفس الوقت ما اكدر اعوف اي شي، حاس دائمًا ان اني بسباق وشكد ما انجز اني متاخر، اريد احجي واحجي واحجي واريد اسكت بكل ما بيه من قوة، دائمًا يكولون اليسكت قوي لان كادر يسكت بس الحقيقة ان الحجي يحتاجله طاقة ضعف السكوت لان اذا حجيت تحتاج طاقة وبعدها تحتاج طاقة اضافية للسكوت الي يجي بعد الانفجار..
مابيه وكلشي بيه
غصن مَزكي بس ميت!
مابيه وكلشي بيه
وجه يضحك و عين تبجي
مابيه وكلشي بيه
روح تتلكاها روح بس ما تلكه روح!..
مابيه وكلشي بيه
الينطيني يريد من عندي
وانا لا اريد شي وماكو شي انطي!
و قبل ما يتعبني احد
احس تعبان من عندي..
مابيه و وكلشي بيه
الشبيك التسألني بيها
ما الها الجواب الي يكفي.
رد مع اقتباس
واقع حال هاي ضايجين مرات ومنعرف شبينه والجواب عند اهل البيت عليهم السلام ومن ضمنها تقليم الاظافر بالفم ولبس الملابس من وقوف وبعد اشياء هواي تورث الهم والغم 
المشاركة الأصلية كتبت بواسطة نَــبّــض '
