ورجعنا للمدرسة
اتذكر:
1- صاحبك الصح مش إلي بسب عليك وعلى أهلك!
2- الدخان مش علامة للمراجل والزلمنة!
3- الكل بإمكانه يسب ويغلط، ولكن القوي إلي بمسك نفسه ولسانه!
4- الاستاذ بعمر أبوك، والأستاذة بعمر أمك، فهل ترضى حدا يقلبهم مسخرة؟!
5- إنت إنسان ابن ناس وأصول، مش مهرج ولا استاند اب كوميدي = ما تخلي الميديا تحولك لمهرج!
6- الدراسة مسؤوليتك، مش مسؤولية أمك وأبوك!
7- ما تحمل أبوك وأمك جميلة عشان روحتك للمدرسة، ارحمهم واتق الله فيهم، فوالدك والدتك بنحتوا من الصباح للرباح حتى يحاولوا يعيشوك حياة كريمة!
8- مش عيب ومش غلط إنك اتساعد إمك المسكينة في أعمال البيت، وعلى الأقل نظف غرفتك وحط جراباتك وملابسك في مكانهم!
9- شراء الأغراض من الدكانة وكب الزبالة ... واجب من واجباتك، وإذا أخوك ما رضي فاكسب رضاهم وحبهم وسوي هالشغلات.
10- لا تنس ربك ودينك، فأنت في الآخر مسلم بحاجة لأن تكون قريب من ربك ودينك وقرآنك.
11- ما تكون مدمن تلفونات وألعاب وشات مع صحابك، في شغلات كثير ممكن تعملها بحياتك، واعرف إنو هاي الشغلات مش كل شي بالحياة.
12- الحكي على الناس من ورا ظهورها مش شطارة، والتخوت على الناس حرام!
13- ما في داعي 24 ساعة تحكي عن صلاح ورنالدو وميسي...
رد مع اقتباس
المشاركة الأصلية كتبت بواسطة أبو ملاك
