كد مااني بصفنتي اتخيلك جاي
افتهمتني غلط حتى العصافير
اشتريك من اليبيعك بيش ماجان
مستهلك قديم اشريك ماحير
لبست انا المناطر تلبس اشلون
حلقه وبدله وتحنيهه ايدك
شجاك ابيوم رادك رحت ويا
خمس اسنين عايش جنت اريدك
تعال اجروح طعن اثار مكتول
تعال بلايه صوره بلايه معنه
اهم شي بيك لزمه وريحت انسان
عليك كل هاي صفنتنه وجعنه
تعال افلان نقبل حتى ابو افلان
تعال التاء خلصت من لساني
تانيتك
تجي
ترجع
تره الروح تعبت مابعد تكدر تتاني
الهدوء ازعاج بي شفت انه بجفاك
ابعز الحزن مرني الحزن يفرح
سجينك عمت ماتجرح اشبيك
تعال اطعن طعن مو اله تجرح
عليك الله عليك القبل ينطيك
عليك ابروح كلبك ردلي
كافي مر بيه قدر مر بيه تابوت
مر بيه ضريح اتعنه حافي
رد مع اقتباس
