هنا

[أبو ملاك]

ويحٌ لإحساسى وحروفى
جعلتمُ مفرداتي تنهار أمام عاصفة حُبكم
أود أن أدوِن هذهِ اللحظة فى ذاكرة المشاعر والاحاسيس
لتكون ذكرةٌ عطرة للتاريخ
--------------------
السلام عليكم ورحمة الله وبركاته
حضرت هنا بدون دعوة للحضور
ولكن لا اعتقد بانني أحتاج دعوة للحضور وانا صاحب الديار
وأنتم الضيوف ......
وبالرجوع بالذاكرة الى اليوم السادس عشر في شهر سبتمر للعام 2012
كنت قاب قوس بالخروج مهزوماً من أوسع الأبواب
باب الهروب من المنتديات لأبسط الأسباب
كنت حديث العضوية والإنتساب
وكنت أحب التواجد في جميع المساحات
وحريصاً على ترك بصمة قلمي لأنال الإعجاب
أحسست أنني غريب الروح لتلك الأرواح
وسالت نفسي كثيراً هل التقصير مني أم من الأحباب
فـــــ يآ صاحب الدعوة وقلمي وقلبي لها مُستجاب
لقد وجدت هنا ما لم أجدهـ في وطن أبي وأمي والأجداد
صحيح قد ترهقنا الظروف وتبعدنا عن المسار
ولكن بك ومعك ومن هم لدرر العراق أوفياء
أبداً وأبداً لن أضع للغياب الدائم أعذار
وهذا عنوان محبتكم لي في هذا العنوان
يامن تكرمون الضيف
https://www.dorar-aliraq.net/showthread.php?t=77255

صاحب القلب الكبير أبو رأفت..
إنما دعواتنا القلبية..
تُرافقك في حِلِّكَ وترحالك
بوجودك وبغيابك..
جميع المساحات تنتظرك
هنا.. وأنا كذلك..

تحياتي لحضرتك..

[أبو ملاك]

والله تجربتي بالمنتديات ترجع لسنة 2005 تقريباً ، چانت المنتديات هي وسيلة التواصل الوحيدة بذاك الوقت تقريباً ، بس ما ادري ليش عمري ما حسيت انه عندي ولاء لمنتدى ^__^ يعني عادي اعوفه واروح لغيره او من انتشرت برامج التواصل بلشت اتواجد بيها اكثر ، بس عموماً اني شخص مزاجي احيانا تلگاني اكثر المتفاعلين واحيانا اختفي اشهر وبدون اي سبب حقيقي كل ما في الامر وبكل صراحة مايخطر ع بالي المنتدى ، اما قضية انه المنتديات افضل من مواقع التواصل فـ اعتقد هاي كذبة كذبناها و صدقناها ، لان الي بالمنتديات هو نفس الي بغير برنامج من علاقات و انحطاط و كل شيء ، يعني الي يدور علاقات ماراح يصير نبي من يدخل منتدى و راح يسوي علاقات ويمشي اموره بس ايجوز اني وانت ما نشوفه لان كلشي يتم بالسر ، اما ليش برأيي الناس متمسكة بالمنتديات تتمثل بفكرة بسيطة(نستولوجيا) نحب ماضينا وارشيفنا هنا ، اما قضية الصداقات اشوفها مو ذات اهمية مثلا اني و سوزان اصدقاء صار سنين وما فد مرة لاحظت غيابي هنا ولا اني لاحظت غيابها الا من كلام الاعضاء لان ببساطة ما نحتاج المنتدى للتواصل ومن نتواصل راح نتكلم بـ امور الحياة اكثر من كلامنا عن المنتديات ، بس اكو فئة من الناس تنظر للمنتديات على انه عالمهم الخاص لانهم يبنون لنفسهم شخصيات داخل هل عالم ويكونون كلش حابين هل شخصية و يقاتلون من اجل بقاءها لانهم يعتقدون انهم خارج اطار المنتدى يكونون عدم لذلك يفضلون التواجد بالمنتديات حتى يحصلون هذه الطمأنينة النفسية ....

صديقي رامي الحبيب..
الناس أجناس والأفكار تختلف بإختلاف الوجوه والأسماء..

تحياتي لحضرتك..

[Suzana]

اسوأ شي بالمنتديات انها تكون على لون الرقيب، او على لون الفئة التي تمثل الاغلبية فيها.
عندما تحارب وتقصي من يخالفك الرأي، الفكر، العقيدة بأساليب بعيدة عن المنطق والحجة او تقمع ارائه بحجج واهية، راح هذا المخالف لك، يترك الساحة ويغادر.
شنو راح تبقى الشريحة الي تمثل الاغلبية وهذه الفئة مراح يصير بينها تحاذب وتنافس، يبدي بعده الخمول ثم الموت البطيء للمنتدى.
شوف هذا المنتدى من منعوا التطرق لمسائل دينية وحظروا بعض الاعضاء بسبب ذلك وحتى بعض المراقبين تشددوا في الامر ان يذهب المنع حتى الامور السياسية. ذهب المنتدى الى مواضيع (هابطة) وعذرا لهذه الكلمة لكن هي الحقيقة، مثل احسب للخمسة واكتب اسم شخص تحبه، احسب للخمسة و اشمر روحك من برج ايفل،( بعدين شنو تلعبون دعبل)
ما اعرف منين جايبين هيچ نظريات العالم كله يعيش صراع على ارض الواقع من اجل عقائد وقيم و افكار،.
حتى حرب روسيا و أوكرانيا تره مو صراع اقتصادي وسيطرة، بل هو صراع بين سيادة الليبرالية المادية الغربية وبين القيم الشرقية الي تميل الى الاخلاقية والانسانية .
شنو انتم مفتحين مكتب حسن سير وسلوك لو منتدى.
اني اشتركت بهواية منتديات خصوصا العربية الى يغلب عليها طابع الديني العنصري، دائما اسجل وياهم بأسم (علي) رأساً يصير عدهم حالة توجس واستنفار، اكتب لي احجاية احجايتين بالمباشر تلگه كيل من الشتائم، رافضي، ابن المتعة، بس شنو تصير حركة بالموضوع، بس عيبهم ما يتحملون كلامي گبل ايدهم ع الحظر.
ويگظونه بيناتهم قال الرسول كذا وكذا، وجاء الرد من الثاني فداك امي وابي يارسول الله. لحد ما يصير الموضوع ممل و ذولكم كلهم عزلوا.
السبب لأن انت مو وحدك بالساحة حتى تخلي قوانين وتفرضه ع الاخرين براحتك هذا الفضاء مفتوح وبيه العشرات من المواقع الي تنافسك، فمن الحكمة ان تقدم تنازلات او تتساهل في اقل تقدير حتى تگدر ان تستمر.
واذا تريد على مزاجك مصيرك النسيان والاندثار ومنتداك يصبح نفايات في العالم الافتراضي.

كلامك صحيح الى حد ما سيد زاهد لكن اعضاء الدرر وانت اولهم ماتتحملون عضو يخالفكم بالرأي وقسم النقاشات يشهد ذلك ..
افرض الأن احد ينتقد موضوع معين او دولة اقليمية سواء هذه او تلك ليوصل الامر لحد الاهانة والتجاوز اللفظي والشتم فتضطر الادارة لمعالجة الموضوع بأقل الخسائر..
هذا عدا اتهامنا بالسماح بنشر مواضيع من شأنها تزعج الاعضاء وتنفرهم من المنتدى.
لو تنشر استطلاع حول النقاشات لتشوف الاغلبية ميريد اية نقاشات دينية وسياسية ولا انتقاد لاي شخصية سياسية او غيرها ويريد من الاعضاء يحتفظون بأرائهم لنفسهم وكأنما مجاي يسمع هذا الكلام بالواقع ابدا يعني المشكلة مو في توجه الادارة ابدا وانما العضو متعصب لقضيته و ميريد يسمع شي ضد توجهه ..

عموما قسم النقاشات في درر العراق مفتوح دائما
و يضمن للجميع حرية الفكر لكن دون ترويج لفكرة معينة او تعدي على حريات الاخرين ومعتقداتهم او النيل منها، وهنا نحفظ للجميع كرامتهم.

المواضيع اللي تنشر والمشاركات فيها هي انعكاس لتوجه الناشرين ولا تمثل الادارة وسياسة الموقع.

[Suzana]

السلام عليكم..
حبايبي..
طبعًا اليوم عندي موضوع حبيت أتناقش بيه وياكم..
وهو..
هجر المنتدى وتركه..

على مدى سنين طويلة خسرنا
كثير من الأعضاء ولعدة أسباب
ولكن القلة القليلة صامدين إلى حد هاي اللحضة..
رغم مرور سنوات..
مثلاً آني سجلت ب٢٠١٣ ولحد الآن مستمر رغم وجود برامج السوشل ميديا.. الكثيرة..
لكن أحس نفسي هنا..
أحجي مع ناس حقيقيين..
وأصدقاء حقيقيين..
ويمكن أبالغ إذا كَلت يمكن جماعة المنتديات الوحيدين اللي يدخلون الجنة..
لأن محافظين بيها على قيمنا
وأخلاقنا بعيد عن فساد التيك توك وكروبات الفيس التعبانة
وستوريات الإنستا المفضوحة..
وسريّة التلكَرام اللي فسدت كثير عوائل..
وإكو ناس أقدم مني بكثير

فياريت كل عضو يفكر يترك المنتدى يفكر قبل لا يبتعد
الف مرة.. لا ألفين مرة..
أصدقائك هنا..
أحبابك هنا..
ذكرياتك هنا..
ضحكت هنا..
بكيت هنا..
إستفاديت ولو بكلمة هنا..
تعلمت حرف.. يمكن أثر بحياتك..
ويمكن تعلقت أو حبيت شخص
هنا..

فللمنتدى حق عليك..
مثل ما الإدارة تبذل جهد مادي وأؤكد على كلمة مادي لأن أعرف تكاليف الإستضافة والدومين وباقي الملحقات..
ومعنوي كذلك..
فحق المنتدى عليك أن تستمر
هنا وتستمتع على الأقل بوقت فراغك..

وهسه..
شاركوني بتجاربكم مع المنتديات عمومًا..
ومنتديات دُرر العراق خصوصًا..

وتحياتي للجميع..

شكرا ابو ملاك ع الطرح انضممت للمنتديات سنة 2008 وشاركت بكثير من المنتديات العربية والعراقية ومنها الكوت نت اللي بوقته كان من اشهر المنتديات العراقية وقمت بأدارته لفتره منها وبعدها انتقلت لدرر العراق 2010..
لايزكي الانفس الا الله لكن فعلا مبالغة في كلامك بشأن المنتديات دون وسائل التواصل..
هجر المنتدى كل عضو وله اسبابه وظروفه مانكدر نتكلم عن لسانهم لكن عموما هي:
خلاف مع عضو/ة بشأن رأي سياسي او حتى موضوع عاطفي ، و ايضا تعصب العضو لعقيدته اوفكرته تدفعه المغادرة والهجر.

[فقار الكرخي]

المنتديات هي عبارة عن بيت
يعني تحسة بيتك الثاني من تغيب فترة
وترجع متحس نفسك غريب

هواي منتديات جنت مسجل بيها من ٢٠٠٧ والهذا اليوم

بطبيعتي انحب بأي منتدى ادخل بي
اما الشي الحلو بدرر العراق
هو الهيكلية مال المنتدى وسهولة استخدامة
و وضعة المريح الي تكدر تستخدمة بعدة طرق

ولو هاي الفترة سامر صاير ميصرف
واكو بعض الخاصيات اختفت
وتجديد ومواكبة الحداثة مغلس عنها
الا انه الوضع العام جيد جدا

اما مسألة الي يتركون المنتدى بسبب اجراء اداري
او مشكلة شخصية
صح المفروض محد يكون فوق القوانين
الا انه المرونة مطلوبة حتى ماتكون هناك
خسارة لأي عضو
مو انقدم تنازلات لا بس انحاول قدر الامكان نعمل على الاحتواء
ونعتبر كل الاعضاء مثلا اخوتي او اولادي
ونتعاون على تجاوز اي خلاف ممكن يحصل
صح بعض الاخطاء لاتغتفر
وصح مرات تكون الادارة مو صائبة
(نكدر نستعمل اسلوب التغليس) اذا محد مشتكي
حتى ما ننحرج ولازم نتخذ اجراء

وهنا لازم نتطرق الى شي مهم

انت كعضو بهذا المنتدى
انت مطلوب منك بشكل مباشر او غير مباشر
لازم ترفد المنتدى ب٦ الى ١٠ مواضيع يوميا

لأن المنتدى يحتاج مصاريف
وهاي المصاريف يرادلها زوار
والزوار يرادلها مواضيع
والمواضيع اهل الدرر لازم يتكفلون بيها



على كل حال هاي الفترة شوية صار عندي
انقطاع عن المنتدى او دخولي متقطع
بسبب عملي
وانشاء الله اتفرغ واهريكم هري


وفق الله القائمين على هذا الصرح العظيم

ومشكور حبيبي علاوي على سوالفك التعبانة

[أبو ملاك]

اسوأ شي بالمنتديات انها تكون على لون الرقيب، او على لون الفئة التي تمثل الاغلبية فيها.
عندما تحارب وتقصي من يخالفك الرأي، الفكر، العقيدة بأساليب بعيدة عن المنطق والحجة او تقمع ارائه بحجج واهية، راح هذا المخالف لك، يترك الساحة ويغادر.
شنو راح تبقى الشريحة الي تمثل الاغلبية وهذه الفئة مراح يصير بينها تحاذب وتنافس، يبدي بعده الخمول ثم الموت البطيء للمنتدى.
شوف هذا المنتدى من منعوا التطرق لمسائل دينية وحظروا بعض الاعضاء بسبب ذلك وحتى بعض المراقبين تشددوا في الامر ان يذهب المنع حتى الامور السياسية. ذهب المنتدى الى مواضيع (هابطة) وعذرا لهذه الكلمة لكن هي الحقيقة، مثل احسب للخمسة واكتب اسم شخص تحبه، احسب للخمسة و اشمر روحك من برج ايفل،( بعدين شنو تلعبون دعبل)
ما اعرف منين جايبين هيچ نظريات العالم كله يعيش صراع على ارض الواقع من اجل عقائد وقيم و افكار،.
حتى حرب روسيا و أوكرانيا تره مو صراع اقتصادي وسيطرة، بل هو صراع بين سيادة الليبرالية المادية الغربية وبين القيم الشرقية الي تميل الى الاخلاقية والانسانية .
شنو انتم مفتحين مكتب حسن سير وسلوك لو منتدى.
اني اشتركت بهواية منتديات خصوصا العربية الى يغلب عليها طابع الديني العنصري، دائما اسجل وياهم بأسم (علي) رأساً يصير عدهم حالة توجس واستنفار، اكتب لي احجاية احجايتين بالمباشر تلگه كيل من الشتائم، رافضي، ابن المتعة، بس شنو تصير حركة بالموضوع، بس عيبهم ما يتحملون كلامي گبل ايدهم ع الحظر.
ويگظونه بيناتهم قال الرسول كذا وكذا، وجاء الرد من الثاني فداك امي وابي يارسول الله. لحد ما يصير الموضوع ممل و ذولكم كلهم عزلوا.
السبب لأن انت مو وحدك بالساحة حتى تخلي قوانين وتفرضه ع الاخرين براحتك هذا الفضاء مفتوح وبيه العشرات من المواقع الي تنافسك، فمن الحكمة ان تقدم تنازلات او تتساهل في اقل تقدير حتى تگدر ان تستمر.
واذا تريد على مزاجك مصيرك النسيان والاندثار ومنتداك يصبح نفايات في العالم الافتراضي.

رأيك مُحترم صديقي.. وكُل الهلا بيك..

[أبو ملاك]

شكرا ابو ملاك ع الطرح انضممت للمنتديات سنة 2008 وشاركت بكثير من المنتديات العربية والعراقية ومنها الكوت نت اللي بوقته كان من اشهر المنتديات العراقية وقمت بأدارته لفتره منها وبعدها انتقلت لدرر العراق 2010..
لايزكي الانفس الا الله لكن فعلا مبالغة في كلامك بشأن المنتديات دون وسائل التواصل..
هجر المنتدى كل عضو وله اسبابه وظروفه مانكدر نتكلم عن لسانهم لكن عموما هي:
خلاف مع عضو/ة بشأن رأي سياسي او حتى موضوع عاطفي ، و ايضا تعصب العضو لعقيدته اوفكرته تدفعه المغادرة والهجر.

كُل الهلا سوزان تقريبًا نفس الفترة آني سجلت ٢٠٠٨..
وأيضًا كانت عندي عضوية بمنتدى الكوت نت..
آني قصدت بهاي المُبالغة أنه المنتديات فيها شيء من الرقابة على المحتوى غير موجود في بقية مواقع التواصل ومنها التيك توك مثلاً..
أو بالأحرى أقل ضررًا منها..

ومنورتنا مديرتنا الطيبة..

[أبو ملاك]

المنتديات هي عبارة عن بيت
يعني تحسة بيتك الثاني من تغيب فترة
وترجع متحس نفسك غريب

هواي منتديات جنت مسجل بيها من ٢٠٠٧ والهذا اليوم

بطبيعتي انحب بأي منتدى ادخل بي
اما الشي الحلو بدرر العراق
هو الهيكلية مال المنتدى وسهولة استخدامة
و وضعة المريح الي تكدر تستخدمة بعدة طرق

ولو هاي الفترة سامر صاير ميصرف
واكو بعض الخاصيات اختفت
وتجديد ومواكبة الحداثة مغلس عنها
الا انه الوضع العام جيد جدا

اما مسألة الي يتركون المنتدى بسبب اجراء اداري
او مشكلة شخصية
صح المفروض محد يكون فوق القوانين
الا انه المرونة مطلوبة حتى ماتكون هناك
خسارة لأي عضو
مو انقدم تنازلات لا بس انحاول قدر الامكان نعمل على الاحتواء
ونعتبر كل الاعضاء مثلا اخوتي او اولادي
ونتعاون على تجاوز اي خلاف ممكن يحصل
صح بعض الاخطاء لاتغتفر
وصح مرات تكون الادارة مو صائبة
(نكدر نستعمل اسلوب التغليس) اذا محد مشتكي
حتى ما ننحرج ولازم نتخذ اجراء

وهنا لازم نتطرق الى شي مهم

انت كعضو بهذا المنتدى
انت مطلوب منك بشكل مباشر او غير مباشر
لازم ترفد المنتدى ب٦ الى ١٠ مواضيع يوميا

لأن المنتدى يحتاج مصاريف
وهاي المصاريف يرادلها زوار
والزوار يرادلها مواضيع
والمواضيع اهل الدرر لازم يتكفلون بيها



على كل حال هاي الفترة شوية صار عندي
انقطاع عن المنتدى او دخولي متقطع
بسبب عملي
وانشاء الله اتفرغ واهريكم هري


وفق الله القائمين على هذا الصرح العظيم

ومشكور حبيبي علاوي على سوالفك التعبانة

شخليت وراك بعد..

[أزرق']

أغلب الاعضاء هجروا المنتدى بسبب مشاكل سواء كانت مع الادارة او مع بقية الاعضاء
لذالك استذكر موقف لبعض الصديقات اللي هي ( الدمعة الحرة ) هجرت المنتدى بسبب موقف معين مع احد الاشخاص
من 2012 الى الان ما تقبل تسوي تسجيل دخول

لكن على جميع الاحوال المنتدى لا يتوقف على شخص معين , المنتدى يتوقف على جودة المواضيع التي تنشر فيه , وكمية المشاركين فيها
واذا استمر الحال على ما هو عليه من زيادة الاقبال على الاقسام الترفيهية وهجر بقية الاقسام فعلينا وعليكم السلام

شكرا ابو ملاك

[حسن هاشم]

موضوع جدا قيم ابو ملاك الغالي سجلت في الدرر 2014 قبلها كنت اسوي منتديات من احلى منتدى وجنت مدير وهوسة جنت احب نظام منتديات بشكل عام
البقاء في درر العراق هو فعلا لعدة اسباب وهو وجود مجتمع ناضج من كل الثقافات والتوجهات والوعي حقيقة
رائع درر العراق واشكر جهود الادارة بكل اصنافها من المدير الى الاعضاء الى كل من ساهم بحرف وللاستاذ سامر لبرمجة هيج موقع واحد اسباب حبي لدرر العراق حزني وكانهم افراد عائلتي على الذين توفاهم الله سبحانه وتعالى وجعلت ختمة الهم الله يحفظكم ويديمكم في هذا الامر اما النشاط فيتبع العمل وظروف الحياة