هنا

[أشجان الروح]

السلام عليكم
شكرا استاذ للموضوع الجميل
انا سجلت سنة 2014وبديت نشاطي سنة 2015بمنتدى درر كنت نفس الوقت مسجلة بمنتديات ثانية لكن حقيقة ماشفت مثل الدرر بنظامه وناسه وهو المكان الوحيد الي استمريت بيه كل هذه سنين واغيب وارجع دائما اول ماسجلت كنت اول مرحلة جامعة كنت ولازلت اتشارك افراحي وانجازاتي هنا ^^وتعرفت ع اصدقاء كثير وبنات امتدت صداقتي بيهن لخارج الدرر وسعيدة بتواجدي للان معاكم
وان شاءالله يعودون كل الاصدقاء الغائبين

[الكوتش]

[QUOTE=أبو ملاك;9328742]السلام عليكم..
حبايبي..
طبعًا اليوم عندي موضوع حبيت أتناقش بيه وياكم..
وهو..
هجر المنتدى وتركه..

أرى أن أهم حدثين يرتبطان بهذا العنوان هما :
1 هجر أحمد العثمانى للمنتدى وتركه .
2 هجر سوزان للمنتدى وتركه .
أرجوا من الادارة متمثلة فى شخص سوسن أن تتصل بهما وتبلغهما أن يعودا الى منتداهما دررهما وذلك كطلب كل المتواجدين بدررنا الحبيب .

[الرميثي]

موضوع جميل منك اخي ابو ملاك
بالنسبة لي اني قديم بالمنتديات
يعني من سنة 2007 بديت ادخل المنتديات واسجل بيها
لان عملي هو بالانترنت ولهذا اليوم اني مستمر
وقد سجلت قبل الدرر بكثير من المنتديات العراقية
و المصرية والسعودية في فترة لم يكن غير المنتديات
وصرت مشرف ونائب مدير ومدير لمنتدى نحن عملناه
الى ان طلع علينا الفيسبوك فاخذ الكثير من الاعضاء
وقفل الكثير من المنتديات
وقد لاحظت ان الاعضاء لاتبقى في كل المنتديات
وليس في منتدى درر العراق فقط
لاسباب عديدة منها :
1 - اما ان العضو سواء كان عضو او عضوة
يتزوج ويلتهي بعائلته الجديدة ويترك المنتديات
2 - واما ان الاهل يقطعون النت ولا يجددون الاشتراك
فيخرج العضو تلقائيا
3 - واما ان يجد له عمل بعيد عن النت فيبتعد عن المنتديات
4 - واما احيانا تحصل مشكلة بين عضو وعضو فيترك المنتدى
وهناك اساب اخرى ايضا تؤدي الى ترك المنتديات

[أبو ملاك]

اني هم قديمه من2013وسجلت من عمر صغير 13سنه
جنت افتح بالختلاتوالله ايام
طبعا هواي من صديقاتي اختفن

ررغم المنتدئ تحسه واقع مصغر
بي فئات من ناس مختلفه بالاعمار والثقافات

اي وبعد هواي شغلات واحد يتعلم من اي موضوع تلكاهه صدفه او كذا
والحلو بالمنتديات بيها قوانين وكذا حتئ يحفظ حق الجميع

ترا الكل اللي عاف المنتدئ بسبب خلاف وي شخص وترك المنتدئ
وكلهم موجودين ع سوشيل ميديا

ونتمنئ يرجع التفاعل والنشاط مثل السنوات السابقه

صحيح ست زينب..
وأنتِ من العضوات والمشرفات المميزات هنا..

[أبو ملاك]

أني من 2014 سجلت وطبعا هواي اعضاء ماكو مختفين والي يجي ويروح
بس اني اكول بسبب الظروف ومشاكل العيشه والواقع الي نعيشه لانو اني جربتها صارت ضروف قوية حتى تركته لكن رجعت وهم بمشاغل الحياة والعمل نصير نرجع بين وقت ووقت
اتمنى كل الاصدقاء يرجعون وترجع اللمة
المنتدى تعلمنا منا من ايام المدرسه والجامعه وهسه العمل وتعرفنه ع زملاء واخوة من بقية المحافظات صحيح منشوفهم لكن نتواصل

والحلو هنا موجوده قوانين وحدود
اتمنى تبقى اللمة
والله يحفظ الجميع

هو هذا قصدي..
المنتدى بيتنا الثاني.. يلم شملنا وحرامات يفرقنا..

[أبو ملاك]

اضيف لردي السابق
هذا المنتدى من افضل المنتديات وهو الوحيد المميز بقوانينه الصارمه وحماية الاعضاء من الأذيه والازعاج .
وهذا لا نجده في المنتديات الاخرى .

نعم حمودي.. من واجب الإدارة حماية الأعضاء.. وتطبيق القوانين بحذافيرها.. لكي يعم السلام هنا
وحتى تكون الفائدة متبادلة..

[أبو ملاك]

شكرا جزيلا لك ابو ملاك لاختيار هذا الموضوع..

عملت في عشرات المنتديات.. وامتلكت منتديات.. واصبحت مديرا عاما لعدد من المنتديات... ومراقب ومشرف..

لكن لم ولا.. ولن (
أجد أفضل وارقى إدارة وأعضاء... من منتدانا الحبيب.. منتدى درر العراق..


وبهذه المناسبة هي دعوة أوجهها أولا للأستاذة سوزان الغالية.. ولكل اداري او مشرف او عضو.. غاب عنا... ادعوهم للعودة لبيتنا الكبير الثاني بعد بيوتنا.. منتديات درر العراق..

واكرر شكري الجزيل لك لهذا الموضوع الشيق...ودعوتكم الكريمة لي للمشاركة بالموضوع... مع خالص التحيات والتقدير والامتنان وفقكم الله

الحبيب والطيب أُستاذ عماد..
وأنت أكيد مثلي تحزن من تشوف
صديق أو صديقة تبعده الدنيا ويترك المنتدى لأي سبب كان..

وإن شاء الله ترجع سوزان وجميع الغائبين

[أبو ملاك]

عليكم السلام

قبل كانت مواقع التواصل أكثر امان من هذا الوقت وبالاخص مثل ما ذكرت التيكتوك والتليكرام والانستا لانه ماكو عليهن رقابه لا من الأهل ولا حتى من الشركات نفسهم
الناس صارو يلجأون للمنتديات اكثر لانها اكثر امان من المواقع وإني وحده من الناس لجأت للمنتديات عن نفسي اشوفها افضل بهواي من باقي البرامج وكلشي اريده الكاه موجود بي واستفدت اهواي أشياء حلوه وتعلمت منها
والمنتدى تحسه مثل بيتك لانه مثل ما تحافظ على قانون بيتك راح تحافظ على قانون منتداك وتحس انك بين اهلك وناسك
والحلو بي ينظمون من مختلف المحافظات والدول أيضا كثير ناس طيبه عرفت عن طريق المنتديات وصرنه عائله وحده
واكيد غياب بعض الاعضاء سبب الظروف و مشاغل الحياة
وان شاء الله الكل يرجع
وربي يديم اللمه ويحفظ الجميع

شكرا للدعوه أستاذ

شُكرًا ست ملاك..
أنتِ ورغم أنك سجلتي من مدة قصيرة.. ولكن أنا متأكد بشكل لا يقبل الشك.. أنكِ تملكين الكثير
وسيكون لكِ شأن هنا..
ومثل ما تفضلتي.. المنتدى يملك قوانين ملزمة للجميع وتحمي الجميع..
وخصوصًا الفتيات..

[أبو ملاك]

عليكم السلام
والله يا خويه احجيلك عن نفسي قبل جنت متفرغ وقت عندي هواي بس هسه التهيت بشغلي وعائلتي صار الوقت ضيق

كُلنا عدنا مسؤوليات وعمل وعوائل.. يا صديقي
ولكن حق المنتدى علينا أن نتواجد حتى لو على فترات

تحياتي لك..

[أبو ملاك]

اولاً : شكراً عمو على طرح هذا الموضوع الجميل و عاشت ايدک

ثـانياً : صح اني مصار فترة طويله هنا يعني صار تقريباً سنه بس تعرفت على ناس هواي و شخصيات مُختلفه بـ أعمار مُختلفه بـ قوميات مُختلفه ...الخ
بس ما اتوقع لگيت مَكان مُريح اكثر من الدُرر رغم مواقع التواصل تلهي و متلگا الشخص الي يتابعك و ينصحک الا هنا لگيت الي ينصحني و الي يساعدني و الي يوگف وياي و يحفزني و نعوف المنتدى فتره و نرجع بسبب الالتزامات يعني دوام و كذا ، فـ شُكراً لـكل شخص هـنا من استاذ ســـامر _ اني اصغر نـفر بالـمُنتدى

يا هلا.. عمو دروره الغالية..
ونحن بدورنا ما نكَدر نستغني
عن بنت حبابة وحلوة مثلج..