يتيما منذ صغري لا أبا لي
فقالوا عني زورا لا أبالي
بمقدمة النوائب لائو بالي
سقاني الدهر من كأس المنيه
.......................................
خلي بلاذنب مني شكا اشكال
ورادت تنتهي العشره شكو أشكال
عله گلبي ذبي يادنيا شكو أشكال
وعوفيني ويه روحي أحتار بيه
.......................................
يگلبي شموع لمعيد علگ لك
وأشدن روحي من تمرض علگ لك
أجيتك مدمي يم بابك عله أگلك
عفتني وبابك يگلك خطيه
......................................
حبيبي وياك اريدن كيفك انه
وأگلك فكلي گلبك كي أفكه انه
انا امن أذكر عشگنه كيف كان
أحس هيج الأرض تندار بيه
......................................
أعتكفت وانا قانع بعتكافي
لأن عمري عله مودك بعته كافي
چنت كـون لعشرتك بعت كافي
وصرت ون والونين يون عليه
......................................
عطشت ومالكيتك ماء صالح
وكسروا جام عينك ما أصالح
بعد هيهات أصالح ما اصالح
أله الزير يترك ثار أخيه
---------------------------------------
جذب اليكلك مسولف بك بشين
وحك ذاك الفداه الله بكبشن
يفني من اللضى بهجرك بكه بشين
وشيئا من جهنم سال بيه
------------------------
يربي شما ردت عونه يفر عون
بغربتي..ولاهلي بجتلي يفرعون
ناس الشيدت اهرامك يفرعون
بعددهم للدهر نكبات بيه
-------------------------------
انه شما اضوك مايك..لسه مج ,مال
حاقد,,وبجبدتي..للسم اجمال
من جروحي ارد احمل لسمه جمال
يشوفن الله ضيم جفاك اليه
-----------------------------------
جذب ما منها جاره راسبه سماي
بمطرها..ودمعي يترس راسي بس ماي
جنت حتى من ادنك راسي بسماي
وكمت للبير اشيلن كوه اديه
--------------------------------------
حرام ان جان عايش والهوا اشم
وحك مصاب زينب والهواشم
عله ضلعي حروف طابع ولها واشم
اسم ..بس الله يدري شكبره بيه
--------------------------
لوين ضنوني بالحب وصلناي؟
لكهف.,وبموس باشط وصلناي
امانه يالشفتها...وصل الناي
وانفخه..وكلها هيج النفس بيه
-----------------------------
نزف جفي بوداعك..دم علي طار
كما بسيف ابن ملجم..دم علي طار
اكض صورتنه وامسح دمع الايطار
خشب بس غوركت عينه عليه
----------------------------
يتيم انه بغيابك دراي الايتام
وسكنت الهيمه وامست دار الي تام
وحكك لمن ادخل دار الايتام
اصغرهم يضل ينحب عليه
----------------------------
مهي مرجيه منك بسهل ايام
خذلتني,,وجفي لجلك بس هله ايام
لكيت السد مجانك بس هالايام
عليله امي ومجانك فرغ بيه
----------------------
تهجر, تجرح, تجافي
موسبل هاي
ولكي مااحجي توضع
موس بلاهاي
اذا فرعون بذنك
موسى بلهاي
من اذب عصة كلامي تصير حية
----------------------------
يتيما منذ صغري لا ابا لي
فقالوا عني زورا لا ابا لي
بمقدمة النوائب لا ابالي
سقاني الدهر من كأس المنيه
-----------------------------
عركه من الصبا .,وثارات وشجار
وصبخه ولا ثمر بالروح واشجار
شسولفلك عليه شصار وشجار
لعدوك ما تحبه الصار بيه
------------------------
اشهك..والنفس موكد شب ارجان
صدري,,ويا ذمم ولن شبرجان؟
بيني وبينها اتذكر شبر جان
نضرت..ما وجدتني..اعثرت بيه
-------------------------
رحلت وبظهري محد طاش يدماي
وحمل ظهري لسنام النوك يدماي
وحكك بادن بفركاك يدماي
وكمت جي بعده حر صواب بيه
--------------------
منو بميزان كاغد يوزن الماي؟
هيج اتحدى واحد يوزن الماي
صلاتك كلها تبطل يو زنه الماي
وتصير التربه دف للكاوليه
-------------------
مشو...واصغر جرح بالروح .. ضل عين
وعيني من البواجي تبان..ضل عين
ما همني الطعني وكسر ضلعين
الكسر بحجايتي مأثر عليه
------------------------
نحلت وانيابي اظفر مايقلعن
وبجيت ودمعي شوه ما يقي العين
ترى مصابي بوداعك ما يقل عن
مصابي من دفنت امي بديه
-----------------------
تطشرت وهلي حاروا..بلماي
ابحر ناار,ودخل بختي.بلم ماي
صدك عايش لجن حالي بله امي
مثل شيعي انسجن عد ال اميه
----------------------
فرزت ارواح بالطف والفرز دق
والف رز انفتحلك والف رز دق
دعبل مهما يكتب والفرزدق
جذب يوصف كفيل الهاشميه
------------------------
رد مع اقتباس
المشاركة الأصلية كتبت بواسطة خيال
