وصيتي للغياره
الينطرون الزياره
المواكب خل ترف رايه على رايه
اليفارك حبيبه
جرح ماله طيبه
يتاني بلصحاري ترد سبايه
صيرو مثلي
من نطرت اضعونه : خادمه وممنونه
واحسب وتنطر جيه
هيه دمعه
فاطمة تبجيها ،، على الكطعو بيها
ونت حيل البدوية
بس سؤالي
زينب الوحدها : لوخيم ماعدها
وين اتبات العلوية
يبو الغيره
انصب موكب الحيره
يبو الغيره
ولم الناس والديره
يبو الغيره
زينب ردت اسيره
يالله يالله يالله ياللله ياللله ياشباب
ومني انه ام البنين اخذو الثواب
،،،،،،،،، ،،،،،،،،، ،،،،،،،،، ،،،،،،،،،
اليعيش بحياته
تظل ذكرياته
عجيب الي يكول الفركه سهله
يشيخ العشيرة
تشيله الحصيرة
واشوفن اخته مهضومه اعله تله
هيه فرگه
ما يرد الرايح ،، عله صوت النايح
كل موكب من زوارة
هايه هيه
رحمة المشاية بيها خير هواية
وتنحسب كون انصارة
ذاك خادم
وحدة حملك شاله ،، جاب تعب اعياله
سفرة يفرشة الخطارة
يخدامه خلي انطفي اخيامة
يخدامه حركو بيهن ايتامه
يخدامه كلها اتطيح جدامه
يخدامه
،،،،،،،،،،،،، ،،،،،،،،،،،،، ،،،،،،،،،،،،،
الطاهر حليبة
وقف للغريبه
ويخلص عمره خدمه وبالعزيه
على اهل المواكب
تره الخدمه واجب
انه امه واجرك تحسبه عليه
يله بيدك
خل رفت راية ،،،،وصيح يلا ويايه
ماي عيون تشربونه
وسمعو صوتي
هله بوجه القادم،،،،زاير وهم خدام
يتعب لا لتخلونه
ولتخدمة
الك ضحة بروحه ،،. وعاف كل جروحه
وشال جروحك بعيونه
يبو الخدمة خلي الموكب بأسمة
يبو الخدمة وعرف قيمة النعمة
يبو الخدمة عوف الجرح اليلجمة
،،،،،،،،،،، ،،،،،،،،،،،،، ،،،،،،،،،،،،، ،،،،،،،،،،،،،
انه امه انه
كفيله بمكانه
اليجيله مني ياخذ كلشي رايد
اليجيني بدمعته
ويخصني بطلبته
انطي كل الي يريده وفوكه زايد
انت اطلب
والردت يجرالك…امه وانه كبالك
ما يرد جفك خالي
بالخدامه
انه هيه الاولى….بروحي صارت سوله
حتى ارضي حسين الغالي
وانه ولدي
بياض وجهي كباله…العاف بالطف خاله
وكال حسين اليحلالي
يموكبنة بس حسين صاحبنه
يموكبنة نحب هواي ويحبنة
يموكبنة ياهو الگال تعبنه
_________
للشاعر كريم الداجي
_________
MP3
,
رد مع اقتباس
المشاركة الأصلية كتبت بواسطة أندريا ツ
