هنا

[جمال الجيزاني]

تعالوا يا ربع ارد منهو اني
اني من بغداد الحبيبه واني
ابن دجله وساحة الميدان والخلاني
جابتني امي بشارع الكفاح وبمحلة
المهديه وشارع السباع ضعت اني
وهناك بمدينة البياع عشكت بنت جيراني
جان عمري سبع سنين مدري بالحياة ومنو اني
جنت مثل الواحد التايه باحلام الواني
ضيعت المدرسه وضاع العمر بالعبات صباياني
ويه جوارين المحله وضاعت ازماني
نعم اني ابن بغداد وابن ذي قار عنواني
وابن سوك الشيوخ الجميله بهواها والاغاني
ودار بيه الزمن وشفت جبال سليماني
وشربت من مي هولير وبياره وبنجويني
وشفت حتى دهوك وبساتين ديالى ام البرتقال ةالرماني
هذا اني العراقي ومن اهل بغداد وبالقادسيه تلوعت اني
وكفت وكوف وفريت البلد ورحت للجبهات عشت باماني
ذوله احنا العراقين ما بيننا فرق ولا يدخل عدو ثاني
ولا نسمح لمخلوق يدوس على الوطن حتى لو ابن جيراني
الاصاله والجود والكرم تعلمناها من الجار وصرت اني
من اهل بغداد الحبيبه وبشارع الكفاح انولدت اني

[ملكةه]

الله يخلي بغدادنه
عاشت ايدك

[جمال الجيزاني]

الف شكر على روعة حضورج ورقة مرورج تسلمين شرفتي
تقبلي احر التحايا

[أبو ملاك]

والنعم من بغداد..
بكرخها ورصافتها
بشوارعها وأزقتها


عاشت إيدك

[ايليتا]

استاذنا الفاضل... اين الملحمة الشعرية في تصويرك للقصيدة!
لم تعودنا على ذلك...بانتظار جديدك المميز